DANIELI 11:23 - Sura Magali Nuntu Ngkatuwu

²³ Bareʼe naaya waʼa mpojanji anu nepa roo mpinca napareʼe pai waʼa banca ntaninya. Pai siʼa da kako maroso-roso, mau siʼa podo mamparenta negara anu kodi-kodi.

DANIELI 11:23 Referans Kwoze

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

2 Tesalonika 2:9

I Manusia Majaʼa setu da mepatongawa pai sangaya kuasa anu bangke ungka ri Majaʼa. Siʼa da mampetujuka mpengaya-ngaya tanda ngkuasa anu ndapojingki ndaya anu buke pai waʼa mpetengosi.

2 Korintus 11:3

Paikanya ipu rayaku boi bibo rayami pai bareʼe todo ri Kerisitu; boi ewa i Hawa owi bibo rayanya natengosi i ule.

Roma 1:29

Raya ntau seʼe buke-buke jaʼa, bareʼe monco, buke kamangoa, kasina ndaya, kodi ndaya, buke kasawoyo ndaya da mepepate, pombeluku, pombamba pai kanyau ndaya. Mampokawongko manuntuki tau ntaninya.

PATADA 11:18

Porasi ntau anu majaʼa inceʼe ewa limbayo, paikanya porasi ntau anu madago inceʼe rasi anu nteliogu.

Masmur 52:2

ri tempo i Doegi to Edomi, njoʼu mantoʼoka i Saulu, i Daudi ratamo ri banua i Abimele.

Pomulanya 34:13

Ua karoonyamo najaʼati tuaʼi ntau seʼe i Dina, inceʼe painaka nambambasi ntau seʼe i Sikemi pai papanya i Hemori.

DANIELI 11:22

Waʼa ncurodado anu maewa siʼa, sako i Tadu mPanyomba Bangke nasaorari naʼopisaka.

DANIELI 11:24

Ri pokira-kiranya siʼa da mangaungku lemba anu malimbokori ri tempo waʼa ntau anu njau njairia tuwu ri kalindo ndayanya. Siʼa da mangawianaka anu bareʼepa reʼe napawianaka ntau piamonya. Nepa da natila-tilaka waʼa ntaunya aga-aga anu napamuru pai kakoreʼe anu naleʼo ri poʼiwali. Siʼa da mampowia akala da mangaungku waʼa ngkota anu reʼe bentenya, paikanya temponya da ronga pura.

DANIELI 8:24

Siʼa da mewali maroso kojo, paikanya banya ua rosonya ngkalionya. Siʼa da mampareʼe kagero anu ndapokaeka pai nunjaa ntano anu napowia sangaya-ngaya da mewali. Siʼa da mangagero waʼa ntau anu maroso pai waʼa ntau mPue Ala.