DANIELI 11:16 - Sura Magali Nuntu Ngkatuwu

¹⁶ Datu ntana utara setu da mowia gori mpepokononya, maka beliu-liu reʼe peewa mau sakodi. Siʼa woʼu da mampotundasi tana anu madolidi pai mangkuasai pura-pura.

DANIELI 11:16 Referans Kwoze

DANIELI 8:9

Ungka ri sambaʼa tondu setu tuwu woʼu sambaʼa tondu kodi, anu mewali maʼai kabangkenya pai kakuasanya tebini tondo selata, tondo pebetea pai tondo ri tana anu madolidi.

DANIELI 11:41

Sakopa tana anu madolidi woʼu da naungku, pai sampuyu ncowu tau da ndapepate. Paikanya waʼa ngkamokole Edomi, Moabi pai waʼa ntana anu motoʼo ri kamokole Amoni bareʼe nalengko.

DANIELI 11:36

Datu ntana utara da mowia gori mpepokono ndayanya. Ri pobangke-bangkenya da natoʼo kasiʼanya anu meruu ngkabangkenya pai lamoa mbeʼi ntano, sako pai Pue Ala Anu Nate ri Peawanya siʼapa anu meruu ngkabangke. Siʼa da nakoto mowia ewanceʼe rantani pura karau ndaya i mPue Ala. Maka nunjaa anu roo ndapakanoto i mPue Ala sangaya-ngaya da tewianaka riunya.

DANIELI 11:3

Ungka lairia da meoko sambaʼa mokole anu maroso. Siʼa da mangamparenta sambaʼa kamokole anu maʼai ngkabangke pai da mowia malulu pepokononya.

DANIELI 8:7

Kupatomata mpodago napangarumpa bimba laki setu. Maʼai kojo kasengkenya painaka narumpa bimba laki setu liu mapuʼa tondunya anu radua setu. Bimba laki setu bereʼe rosonya meewa. Siʼa madungka ri tana nepa naija-ija, pai bereʼe mau sambaʼa tau anu mangkoto mampesangkai.

DANIELI 8:4

Kukita bimba laki setu metondu-tondu ri kasoyoa, ri utara pai ri selata. Bereʼe mau sambaʼa pinatuwu anu mangkoto maewa siʼa bara anu lapa ungka ri kuasanya. Siʼa mowia gori mpepokononya pai mewali mobangke-bangke.

DANIELI 11:45

Pai siʼa mangabini woʼu kema ngkamokolenya ri oyo ntasi pai buyu kareʼe Banua i mPue. Paikanya ripurinya siʼa mate pai bereʼe mau sambaʼa tau anu da mampelae siʼa.”

Yeremia 3:19

Ndatoʼo i mPue, “Isaraeli, da rayaku mantarima siko mewali ana-Ku, pai da mawaika siko tana anu da mampakawongko raya, tana anu maʼai kadagonya ri sambawo lino. Da rayaku da naka siko mampeboo Yaku papa, pai bareʼemo da malai ungka ri Yaku.

Yesaya 8:8

Tau seʼe da majanjangi Yahuda ewa pelampangi ue mowo sapi ri leʼe da mangalodongi mpengaya-ngaya.” I Pue Ala mangkariani kita! Pania anu tebini mangkantawi tanata.

Yosua 1:5

Bereʼe mau sambaʼa tau anu mangkoto da manangu siko, Yosua sangkarate ngkatuwumu, maka Yaku bareʼe bali-bali mangaaweri siko ewa Kupangaaweri i Musa owi, pai bareʼe kojo sangkani da Kupalaika siko.

DANIELI 5:19

Ewancetumo kabangkea painaka painaka waʼa ntau ungka ri mpengaya-ngaya banca, lemba, pai basa, kandende-ndende pai maeka ri sira. Ane da raya mampepate tau, ndapepate ewanceʼemo seʼe tau seʼe. Pai ane da rayaa mancorepaka sambaʼa tau, ndasorepaka tau setu. Sira anu mangabangkei pai mangangkodisi isema ntano malulu pepokonoa.