DANIELI 11:12 - Sura Magali Nuntu Ngkatuwu

¹² Inceʼe painaka da mekiunde siʼa ua penanginya pai ua napangkoto mampepate iwalinya anu sondo, paikanya siʼa bareʼe da makuasa mpaliu.

DANIELI 11:12 Referans Kwoze

1 Petrus 5:5

Ewanceʼe seʼe komi waʼa ntau mangura, komi da medonge ri waʼa ntau tuʼa. Komi da mombepakalauka raya, mombeporiokoi ri kalauka ndaya. Maka lau ndaʼuki ri Sura Magali, ewaseʼi, “I Pue Ala maewa tau anu mobangke-bangke, paikanya mampokapuru tau anu lauka rayanya.”

1 Timotius 3:6

Sambaʼa topombawanaka dompu bareʼe maya tau anu nepa pesuanya to Kerisitu, maka da mobangke-bangke painaka tetadeasi ewa i Majaʼa owi.

DANIELI 8:25

Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

DANIELI 5:23

Komi mobangke-bangke ri suara i mPue ri suruga pai makoje mampokau ndakeni mpesua waʼa mangko anu ndapamurumo ungka ri Banua i mPue. Nepa komi sangkani pai waʼa ntau bangke, waʼa rongo pai waʼa rongo piara mampanginumo waʼa mangko setu. Komi mangaunde-unde waʼa lamoa anu ndapowia ungka ri wuyawa, salaka, tambaga, besi, kaju pai watu, waʼa lamoa anu bareʼe nakoto meole, bara mompedongeka pai bareʼe naincani bara nunjaa-njaa. Pueku bareʼe mantubunaka i Pue Ala anu mampakanoto tuwu bara mate komi pai mampakanoto jaya ngkatuwu mpueku.

YEHESIKIELI 28:17

Kadolidi ntaʼamu anu mampapobangke-bangke siko pai katetoʼomu mampapopuʼu siko mawianaka powia anu majaʼa. Inceʼe painaka siko kupedasaka ri tana pai kupapewali patiendo ri waʼa mokole ntaninya.’ ”

YEHESIKIELI 28:5

Lawi siko loʼe mobalu-balu painaka seʼi-seʼi koreʼemo mpodago, pai kakoreʼemu setu anu mampapobangke-bangke siko!’ ”

YEHESIKIELI 28:2

“Ee tolino anu podo awu ntana, toʼoka i mokole Tirusi, nunjaa anu da kutoʼoka siʼa, Yaku Pue Anu Ndate ri Peawanya, ‘Ri pobangke-bangkemu nuepe koromu ewa lamoa anu ri gadera mpoparentanya ri tongo ntasi. Madago seʼe siko da moʼengko ewa lamoa paikanya neʼe nukalingani siko podo tolino biasa.

PATADA 16:18

Pekiunde da mampowuaka kagero, pobangke-bangke da mampowuaka kamanawu.

2 Tawarikh 32:25

Paikanya ua siʼa mekiunde, painaka bareʼe montarima kase siʼa ua kaʼosanya anu ndawai i mPue. Inceʼe painaka ndapokarau i mPue to Yahuda pai to Yerusale.

2 Tawarikh 26:16

Ua naepe i Mokole Usia siʼa marosomo, mekiundemo siʼa, pai inceʼemo anu mewali puʼu ngkanawunya. Naewamo songka i mPue Ala puenya, maka siʼa mampesuaki Banua i mPue da mantunju dupa ri wawo lampaʼani mpantunju dupa.

2 Tawarikh 25:19

Siko Amasia bose take, ua nupangkoto manangi to Edomi, maruana karoo-roo ri banuamu. Nunjaa yowenya siko da mampepali posisala anu podo da mampakarugi koromu ngkaliomu pai waʼa mpalilimu?”

2 RAJA-RAJA 14:10

Mewali siko Amasia mekiundemo, ua nukotomo yau manangi to Edomi. Ara bareʼepa gana penangimu setu? Moruana karoo-roomo ri banuamu! Wenu painaka nupepali tetala anu podo da mampakarugi koromu pai palilimu?”

Ulang 8:14

da ndipakadagoka da naka neʼe mobangke-bangke komi pai da ndikalinganimo i Pue Ala puemi anu malapasaka komi ungka ri tana Masiri, ri kareʼe pampowatua komi.

DANIELI 11:11

Inceʼe painaka masengkemo datu ntana selata, painaka njoʼu siʼa ri kareʼe mpombetoto maewa datu ntana utara. Siʼa da naleʼo manangi surodado anu sondo anu nawawanaka datu ntana utara.

DANIELI 11:13

Da karadua ngkaninyamo datu ntana utara mampasingkanduru surodado anu sondo, pai meruu ngkasondo woʼu painaka anu kaʼisa. Ane ratamo ri temponya, siʼa da moiwo woʼu njoʼu moʼiwali mampoyunu surodadonya anu sondo pai waʼa mparewanya anu sondo kojo.