DANIELI 11:10 - Sura Magali Nuntu Ngkatuwu

¹⁰ Ungka lairia waʼa ana tuama datu ntana utara mompatikali da moʼiwali, napasingkanduru surodado anu sondo kojo. Sambaʼa ungka ri oyo ntau seʼe setu da njoʼu mopaungku ewa porumuku ue mowo. Ri popaungku anu karadua ngkaninya siʼa da maungku bente iwali.

DANIELI 11:10 Referans Kwoze

DANIELI 11:7

Bareʼe masae ungka njairia, sambaʼa tau anu mokasangkompo pai ana datu anu weʼa setu da mewali datu. Siʼa da mangaungku surodado datu ntana utara, maungku bentenya pai manganangi.

DANIELI 9:26

Ri kapusa ntempo setu tadulako anu ndapilisi i mPue Ala setu da ndapepate, ntanoka siʼa bareʼe masala. Inceʼe painaka rata surodado sambaʼa mokole anu maroso, mangagero kota Yerusale sangkani pai Banua i mPue. Kapusa lino setu da rata ewa ue mowo anu mangkeni poʼiwali pai kagero, silulu pai anu roo ndapakanoto i mPue Ala.

Yeremia 51:42

Ue ntasi mesambori ri Babeli, balumba ndoponya mokuu masambori tana setu.

DANIELI 11:26

Waʼa ntopontotorakanya anu mosu mpodago pai siʼa anu da manganawusaka siʼa. Maria tau ri oyo ncurodadonya da ndapepate, pai surodadonya da ndaʼopisaka pura-pura.

DANIELI 11:22

Waʼa ncurodado anu maewa siʼa, sako i Tadu mPanyomba Bangke nasaorari naʼopisaka.

Yesaya 25:12

Waʼa bente Moabi sangkani pai waʼa ngkotanya anu ndateka da ndadungkalaka ndapaporepe-repe ri tana rantani malesa ewa awu.

DANIELI 11:9

Ungka lairia datu ntana utara da mangaungku tana selata, paikanya siʼa tetumba pai da mewalili ri tananya ngkalionya.