Komi mamparini tau anu kaasi-asi pai ndirampa gandunya. Inceʼe puʼunya painaka komi bareʼe da maroo-roo ri raya waʼa banuami anu madolidi, anu roomo ndiwangu setu. Komi bareʼe da mangainu anggoro anu ndipomuya ri waʼa bonde anggoro.
Ri pewalilinya ri tana Masiri, siʼa da mangangkeni turuki lamoa iwalinya pai waʼa aga-aga wuyawa pai salaka anu roo ndapanyombaka ri lamoa setu. Reʼe bara tesangkuja ntaʼu kasaenya siʼa bareʼe mampoʼiwalika datu ntana utara.
Roo setu sambaʼa watu bangke ndapaloka wobo mbayau setu, nepa nadika i datu tanda ngkamokolenya ri watu setu pai tanda waʼa ntau bangke setu, painaka bereʼe mau sambaʼa tau anu mangkoto da malapa i Danieli ungka ri wayau ncinga setu.
Ewanceʼe seʼe woʼu i Mepibose makumpu i Saulu maʼi mangantomu i mokole. Bareʼe mawusoʼi witinya, bareʼe nakou janggonya pai bareʼe nasawani rengkonya montepuʼu ungka ri palai i Mokole Daudi ungka ri Yerusale nakarataka ri tempo mpewalili i Mokole Daudi madago-dago.”
Nepa natoʼoka yaku, “Danieli, neʼe maeka. Ndapedongekamo i mPue Ala pekakaimu montepuʼu ungka ri eo anu kaʼisa nupampakanoto siko da mampakalauka koromu da naka loʼe. Karataku seʼi ewa sono mpekakaimu.