DANIELI 10:19 - Sura Magali Nuntu Ngkatuwu

¹⁹ Natoʼo, “I Pue Ala mampokapuru siko, inceʼe painaka neʼe malelu rayamu pai maeka, io pakaroso rayamu!” Sindara pompaunya ewanceʼe, kuepe terangani woʼu rosoku pai kumompau kutoʼo, “Ndipompaumo Tua, Komi mangaranganimo rosoku.”

DANIELI 10:19 Referans Kwoze

Yesaya 35:4

Toʼokamo tau anu bareʼe maroso rayanya, “Pakarosomo rayamu, neʼe maeka, i Pue Ala puemu rata mangahuku iwali Sira rata mangancorepaka komi.”

Yosua 1:9

Neʼe nukalingani, anu roo Kusongkaka siko da monco-monco kojo da maroso rayamu pai makoje! Neʼe boi maea rayamu bata teloo rayamu, maka Yaku i Pue Ala puemi maaweri siko ri mbeʼi ntano kanjoʼumu.”

TADULAKO 6:23

Paikanya mompau i mPue ri siʼa ndatoʼo, “Parodo rayamu! Neʼe maeka, Siko bareʼe da mate.”

DANIELI 9:23

Sindara siko montepuʼu mekakai ri Pue Ala, Sira mangawai sononya. Yaku seʼi da mamparata maka Sira mampotowe siko. Mewali, pedongekamo mpodago-dago sindara yaku mantotoraka posoki mpepatongawa setu.

Pangkita 1:17

Ri pangkitaku Sira, madungka yaku manyomba ri witia, ewa tau anu matemo yaku. Paikanya ndalaenaka pale-a mokana ri wawoku, nepa ndatoʼo, “Neʼe maeka! Yakumo seʼi anu kaʼisa pai anu kapusanya.

2 Korintus 12:9

Paikanya ndasono i mPue, “Pampotoweku siko ganamo, maka ua kaewanceʼenya maʼaimo pepatongawa ngkuasaku ane siko ri raya ngkalente.” Inceʼe painaka mawongko rayaku mampekiundeka waʼa ngkalenteku, maka ane yaku ri raya ngkalente njairiamo kupangaepe roso ngkuasa i ngKerisitu mangkantawi yaku.

Yohanes 14:27

Kalindo ndaya Kudikaka komi, kalindo ndaya-Ku ngkalio-Ku anu Kuwaika komi. Anu da Kuwaika komi banya ewa anu nawai lino seʼi ri komi. Pakaroso rayami neʼe maeka.

2 Timotius 2:1

Ee, Timotiu, anaku! Mbolimo siko da maroso ua puru ndaya anu ndawai ri kita, ua sambaʼa-mbaʼa pai i Kerisitu Yesu.

Yohanes 19:26

Pangkita i Yesu ine-A pai anaguru-A anu ndapotowe njau mekakore njairia, mompau Sira ri ine-A, “Ine, setu anami.”

Yohanes 21:20

Meeli i Peturu, nakita ri talikunya anaguru anu ndapotowe i Yesu. (Siʼamo anu motunda ri sori Yesu sindara mpangkoni, pai anu meoasi ri Sira, “Pue, isema anu da mampobalu komi, Pue?”)

Yohanes 11:36

Natoʼo nto Yahudi anu njau njairia, “Peole, maʼai kojo pampomawonya i Lasaru!”

Yohanes 11:5

Lawi ndapomawo kojo i Yesu, i Marita, i Maria pai i Lasaru.

Yohanes 11:3

Mangkita kajuʼanya, mepatuumo tau seʼe radua ri Yesu natoʼo, “Pue kasangkompo mami anu ndipomawo seʼi-seʼi majuʼanya.”

1 Korintus 16:13

Mbolimo komi da mainga-inga pai da maroso peaya ndayami. Neʼe maeka pai da ndipakaroso.

HAGAI 2:4

Paikanya, neʼe pura rayami, ee komi pura-pura! Ndiponggaleka mpaliu tetalami setu, maka Yaku bareʼe bali-bali da mantulungi komi.

Yohanes 16:33

Pura-pura seʼi kutoʼoka komi da naka rodo rayami ua komi sambaʼa-mbaʼa pai Yaku. Ri lino seʼi komi da mangaepe pejeani. Paikanya ndipakaroso rayami. Maka lino seʼi Kunangimo!”

Sakharia 8:9

Ndatoʼo i mPue ri waʼa ntaua, “Ndipakaroso rayami! Seʼi-seʼi da ndidonge waʼa mpau anu roomo woʼu natoʼo waʼa nabi sindara mpadika pondasi ri da pawangu muni Banua-Ku.

DANIELI 10:18

Inceʼe painaka naisu woʼu yaku, nepa kuepe terangani rosoku.

Yesaya 41:14

Ndatoʼo i mPue, “Neʼe maeka, Isaraeli, mau siko kodi-kodi pai malente. Yakumo Pue anu mampelae siko, Anu Magali, Pue Ala pue nto Isaraeli inceʼemo to poncorepakamu.

Yesaya 41:10

Neʼe maeka, maka yaku maaweri siko, neʼe malelu maka yaku Pue Ala puemu. Siko da kupakaroso pai da kutulungi, kunini pai paleku anu mokana.

Masmur 138:3

Sindara yaku meboo ri Komi, ndisono Komi. Ndipakaroso rayaku painaka merata kojeku.

Epesus 6:10

Kapusanya da kutoʼoka komi, mbolimo komi da maroso ua roso anu nditarima ungka kuasa i mPue, maka komi sambaʼa-mbaʼa pai Sira.

Sakharia 8:13

Ee bangani ngkota Yerusale pai Isaraeli! Ri tempo anu ndaliunaka, ane waʼa ntau mencua mombetadeasi, natoʼo ntau seʼe, ‘Tuarapa rugi anu mamperemo Yahuda pai Isaraeli da mampere siko woʼu!’ Paikanya Yaku da mancorepaka komi, painaka waʼa ntau mencua, da mombetoʼo ngkalionya, ‘Mbolimo popadonco da tudu ri Yahuda pai Isaraeli, da tudu woʼu ri koromu!’ Inceʼe painaka pakarosomo rayamu pai neʼe maeka!”