DANIELI 10:14 - Sura Magali Nuntu Ngkatuwu

¹⁴ Yaku rata da mawaika siko parata ndaya kono nunjaa anu da mewali raneonya ri bancamu. Pepatongawa seʼi kono reme anu nepa da rata.”

DANIELI 10:14 Referans Kwoze

DANIELI 8:26

Pepatongawa kono panyomba ngkinowia pai mowuro anu roo ndatotorakaka siko setu, monco-monco kojo da mewali. Paikanya pura-pura setu da tepewali ri tempo anu nepa da rata masaepa; mewali neʼe nupauka bara isema ntano.

DANIELI 2:28

Paikanya ri suruga reʼe Pue Ala anu mampatongawa mpengaya-ngaya rahasia, pai Sira anu roo mantoʼoka komi nunjaa anu da mewali ri reme ripuri. Mewali seʼi-seʼi mbolimo ndiwai tempo ri yaku da mantotoraka pangipi pai pepatongawa anu nditarima ri sindara ngkayoremi setu.

HABAKU 2:3

Ukimo incetu, maka seʼi-seʼi banyapa temponya. Paikanya tempo setu da ratamo maliga-liga, pai nunjaa anu Kupatongawaka siko manoto da tepewali. Mau ndakita ewa da masaepa, paikanya popeamo! Tempo setu manoto da rata pai bareʼemo da teencu.

DANIELI 12:9

Mesono siʼa natoʼo, “Seʼi-seʼi palaimo, Danieli, maka waʼa mpau seʼi sangaya-ngaya da tesambunika pai da mewali rahasia rantani rata ri kapusa lino.

DANIELI 12:4

Nepa natoʼo woʼu malaeka setu ri yaku, “Danieli, seʼi-seʼi dampomo sura setu, pai patakamo segeli, da naka tedampo mpaliu rantani rata ri kapusa lino. Maria tau anu da mampebutuka mamparesa nunjaa anu ntongo tepewali. Paikanya pompari-mpari ntau seʼe setu podo da ngkabongo.”

Mikha 4:1

Ri reme-reme anu nepa da rata, pongku ntana kareʼe mpotunda Banua i mPue, da toa mekakore pai da meuntu-untu ndateka meruu ri waʼa buyu pai waʼa mpongkuntana. Mpengaya-ngaya banca da mangguyu-ngguyu njoʼu njairia,

Hosea 3:5

Paikanya da rata temponya banca Isaraeli da mewalili ri Pue Ala pue ntau seʼe pai ri mokole ntau seʼe ungka ri muli i Daudi. Nepa da maeka pai da metubunaka tau seʼe ri Pue, pai mantarima waʼa mpombai-A.

Yesaya 2:2

Ri reme-reme anu nepa da rata pongku ntana kareʼe Banua i mPue meuntu-untu ndateka pai toa mekakore ri wawo waʼa buyu pai waʼa mpongku. Mpengaya-ngaya banca mangguyu-ngguyu njoʼu njairia,

Ulang 4:30

Pai ane komi naperemo waʼa ngkapari setu pai komi lau ri raya ngkapepa ngkatuwu, nepa da mewalili komi ri Pue Ala puemi pai da mepoʼinaya ri Sira.

Pomulanya 49:1

Roo setu napeboo i Yako waʼa ananya nepa natoʼoka, “Ndipompasambakamo ri soriku seʼi. Nepa da kutoʼoka komi nunjaa anu da ndipomberataka ri reme ri purinya:

Ibrani 2:3

Pagonya katesorepaka anu meruu ngkadagonya ungka ri waʼa ncongka setu! Tau anu bareʼe mangkomatasi katesorepaka setu, tau setu bareʼe da lapa ungka ri popahuku. Maka i Pue ngkalio-A anu uyu-uyunya da mamparata katesorepaka setu, pai waʼa ntau anu madonge riunya mancabemo pai mampatongawa kamonconya ri kita.

2 Timotius 3:1

Endomo inceʼi: Ri eo-eo ngkapusanya da maria kojo kaparinya.

DANIELI 10:1

Ri taʼu katatogo poparenta i Datu Koresi ri Parasia sangaya patiendo ndapatongawa ri Danieli bara i Belitasari. Patiendo setu monco, paikanya mapari kojo da ndapangarata ndaya. Sindara pompari-mparinya da mangarata ndaya, i Danieli mantarima totoraka kono posoki mpatiendo setu mampoliu sambaʼa pepatongawa.

DANIELI 9:22

Nepa natotoraka i Jabaraeli ewaseʼi, “Danieli, yaku seʼi mangantulungi da nuparata ndaya wati setu.

Ulang 31:21

pai maria ngaya kapari anu da naepe ntau seʼe. Paikanya ngayu seʼi da nangayu mpaliu da mewali sambaʼa posabi ri tau seʼe. Sako wawaseʼi ri kabareʼepanya kukeni mpesua tau seʼe ri tana anu kujanjika, kuincanimo nawa-nawa ntau seʼe.”

Ulang 31:29

Kuincani ane matemo yaku, waʼa ntau setu da mewali majaʼa engkonya pai da mantalikusi nunjaa anu roo kupaguruka tau seʼe. Raneonya tau seʼe da maepe kapari, maka nakelo-kelo karau ndaya i mPue ri pampowianya nunjaa anu ndapetangani.”

YEHESIKIELI 12:27

“Ee tolino anu podo awu ntana, waʼa nto Isaraeli mangantoʼo pepatongawa pai watimu nepa da tepewali ri tempo anu nepa da rata.

DANIELI 8:16

Kudonge oni nganga meboo ungka ri sambote Koro Ulai mantoʼo, “Jabaraeli, totorakamo siʼa posoki mpepatongawa setu.”

Pombilang 24:14

Natoʼo i Bila ri Bala, “Seʼi-seʼi yaku da mewalilimo ri bancaku. Paikanya ri kabareʼepanya kumalai, aginya da kutoʼoka komi nunjaa anu da napowia nto Isaraeli ri bancami ri reme anu darata.”

YEHESIKIELI 38:16

Nepa nuungku waʼa ntauku Isaraeli ewa lompiu mayoro lino. Ane ratamo temponya siko da kupakatu da mampotundasi tana-Ku. Ua powiaku anu mampoliu siko, ee Gogi, waʼa banca anu maincani isema Yaku, inceʼemo Pue Ala anu magali.