DANIELI 1:8 - Sura Magali Nuntu Ngkatuwu

^8-9 Ua petulungi i mPue Ala, i Danieli napomawo pai napokapuru i Asipenasi. Napakaroso i Danieli rayanya da naka siʼa bareʼe mampakakarika koronya pai pangkoni pai panginu anggoro anu ungka ri langkanae i datu, inceʼe painaka naperapi ri Asipenasi da naka siʼa maya marata pangkoni anu ntaninya.

DANIELI 1:8 Referans Kwoze

Masmur 141:4

Nditawanaka yaku ungka ri sawoyo ndaya mampowia anu majaʼa, neʼe ndipapaliu yaku mompasambaka pai waʼa ntau baleparu, pai mangkoni sangkani-ngkani ri posusa ntau seʼe.

1 Korintus 7:37

Paikanya ane reʼe tau anu mabotusimo ri rayanya bareʼe da morongo pai tengeanya botusi ndayanya setu bereʼe tau mariso, powianya setu madago, podoia nakoto mangawianaka.

Masmur 119:115

Ee tau majaʼa nditilawangimo yaku! Yaku da mepoʼinaya ri songka i mPue Ala pueku.

Masmur 119:106

Anu kujanji ri pontandokoro, inceʼe da kubangani, da mangkeni pobotusi-Mi anu mayoa.

DANIELI 1:5

Napakanoto woʼu i datu nunjaa anu da nakoni pai anu da nainu ntau seʼe sangaya-ngaya da siwia pai anu ndapatoka tila bangani ncombori i datu. Ri karoonya ndalati ri raya anu tatogo ntaʼu, tau seʼe sangaya-ngaya da mancuara i datu motetala ri langkanae.

Palaong mPomakau i mPue Yesu 11:23

Kajela i Baranaba ri Antiokia, nakita ewambeʼi padonco i mPue Ala tau seʼe, mawongko kojo rayanya. Natoʼoka tau seʼe da naka monco-monco kojo pepoʼinaya ntau seʼe ri Pue Ala ungka-ungka ri rayanya.

2 Korintus 9:7

Sambaʼa-sambaʼa tau da mawai ri gori anu napakanotomo ri rayanya, neʼe ri kakanuʼu-nuʼu ndaya bara ri periso, maka i Pue Ala mampokapuru tau anu mombai ri kawongko ndayanya.

Ulang 32:38

Tau seʼe mangkoni waʼa lori mpinatuwu anu ndipanyombaka, pai mainu ue anggoro anu ndipanyombaka. Ndipeboomo tau seʼe da maʼi mampelae komi, mbolimo tau seʼe da mangkariani komi.

Masmur 106:28

Ungka lairia rata ri Peori tau seʼe mampanyomba lamoa Baali, pai mangkoni panyomba ri waʼa lamoa.

1 RAJA-RAJA 5:5

I Pue roo mojanji ri papaku i Daudi ewaseʼi, ‘Anamu anu da kulanti mewali Mokole mancawani siko, siʼa anu da mawangunaka banua mpanyomba ri Yaku.’ Inceʼe painaka kuparata ri komi Mokole Hira anu Meawa, yaku i Salomo roomo kubotusi kayakunya anu da mangawangunaka banua setu.

Palaong mPomakau i mPue Yesu 15:20

Paikanya da taʼuki sura rata ritau seʼe, anu da mantotoraka tau seʼe da naka neʼe mangkoni pangkoni anu karika anu roomo ndapanyombaka ri lamoa, bara mangkoni pinatuwu anu mate ndagogoli, pai mangkoni daa. Ewanceʼe seʼe da naka neʼe mosalara tau seʼe.

PATADA 23:3

Neʼe manyanya da mangkoni waʼa anu monyami anu ndaporiokoi ri suaramu, maka bara podo maʼuji siko.

DANIELI 5:4

Seʼi manginu, tau seʼe mangaunde-unde waʼa lamoa anu ndapowia ungka ri wuyawa, salaka, tambaga, kaju pai watu.