DANIELI 1:19 - Sura Magali Nuntu Ngkatuwu

¹⁹ Butu mompasimbaju pai tau seʼe pura-pura, narata i datu, i Danieli, i Hananya, i Misaeli pai i Asaria meruu ri waʼa anu ntaninya ri mpengaya-ngaya jaya ntetala. Montepuʼumo tau seʼe motetala ri raya langkanae i datu.

DANIELI 1:19 Referans Kwoze

DANIELI 1:5

Napakanoto woʼu i datu nunjaa anu da nakoni pai anu da nainu ntau seʼe sangaya-ngaya da siwia pai anu ndapatoka tila bangani ncombori i datu. Ri karoonya ndalati ri raya anu tatogo ntaʼu, tau seʼe sangaya-ngaya da mancuara i datu motetala ri langkanae.

PATADA 22:29

Bara reʼemo nupangkita tau loʼe mawianaka tetalanya? Tau setu da ndapapotetala ri langkanae waʼa mokole, banya podo ri banua ntau biasa.

Yeremia 15:19

Mesono i Pue ndatoʼo, “Ane mewalili siko, da Kutarima. Siko da mewali muni pomokau-Ku. Ane siko mampobambarika waʼa anu moyowe pai banya waʼa mbamba, siko maya mewali muni nabiku. Waʼa ntau da maʼi muni ri siko, mau bareʼe njoʼu siko madadu tau seʼe.

1 RAJA-RAJA 17:1

Reʼemo sambaʼa nabi i Elia toʼonya. Siʼa ungka ri Tisibe, sambaʼa kota ri daera Galilea. Ri anu sandeme njoʼu siʼa momberata pai Mokole Aha, natoʼo, “Mamposabi i Pue anu tuwu, Pue Ala anu napanyomba nto Isaraeli Sira anu kuporiokoi, kuparata i komi mokole ewaseʼi, ri raya anu radua bara tatogo ntaʼu anu darata seʼi bareʼe da reʼe rini bara uja mau sakodi, sangadi yaku da mangantoʼo.”

DANIELI 1:6

Ri oyo waʼa ntau mangura setu njau woʼu i Danieli, i Hananya, i Misaeli pai i Asaria, pura-pura ungka ri lemba i Yahuda.

DANIELI 1:7

Tadulako langkanae mancawani waʼa ntoʼo ntau seʼe, mewali: Belitasari, Sadara, Mesa pai Abenego.

DANIELI 1:18

Ri kapusa mpeguru ntau seʼe ri anu tatogo ntaʼu ewa anu napakanoto i datu setu, napoyunu i Asipenasi pura-pura tau mangura setu mancuara i Datu Nebukanesa.

DANIELI 2:13

Songka setu ndapapaincanika waʼa ntau pura-pura, painaka pura-pura waʼa ntau loʼe, tesua i Danieli pai waʼa yununya ndapepali da ndapepate.

DANIELI 3:29

Inceʼe painaka kupesongkaka ri sambaʼa-sambaʼa tau ungka ri banca, lemba banca bara basa nunjaa ntano, anu mampasowa pau pompetikodi ri Pue Ala anu napanyomba i Sadara, i Mesa pai i Abenego, da ndasasa pai banuanya da ndadungkalaka pai da mewali awu. Maka bereʼe lamoa anu mangkoto da mangawianaka nunjaa anu roo ndawianaka mPue Ala setu.”

DANIELI 1:4

Tau seʼe setu sangaya-ngaya da waʼa ntau mangura anu bereʼe posarinya. Tau seʼe sangaya-ngaya da madolidi, ndateka sikolanya, loʼe da gana-gana pangaincaninya pai singkana kojo da motetala ri raya langkanae. I Asipenasi sangaya-ngaya da mampaguru tau seʼe mobasa pai moʼuki basa Babeli.