DANIELI 1:18 - Sura Magali Nuntu Ngkatuwu

¹⁸ Ri kapusa mpeguru ntau seʼe ri anu tatogo ntaʼu ewa anu napakanoto i datu setu, napoyunu i Asipenasi pura-pura tau mangura setu mancuara i Datu Nebukanesa.

DANIELI 1:18 Referans Kwoze

DANIELI 1:5

Napakanoto woʼu i datu nunjaa anu da nakoni pai anu da nainu ntau seʼe sangaya-ngaya da siwia pai anu ndapatoka tila bangani ncombori i datu. Ri karoonya ndalati ri raya anu tatogo ntaʼu, tau seʼe sangaya-ngaya da mancuara i datu motetala ri langkanae.

DANIELI 1:17

I Pue Ala mawai kaloʼe ndaya pai pangaincani ri tau mangura anu aopo setu ri mpengaya-ngaya kaloʼe. Ri Danieli banya podo inceʼe paikanya ndawai woʼu kaloʼe da mantotoraka pepatongawa pai pangipi.

DANIELI 1:19

Butu mompasimbaju pai tau seʼe pura-pura, narata i datu, i Danieli, i Hananya, i Misaeli pai i Asaria meruu ri waʼa anu ntaninya ri mpengaya-ngaya jaya ntetala. Montepuʼumo tau seʼe motetala ri raya langkanae i datu.

DANIELI 2:16

Madonge inceʼe, ganggara i Danieli njoʼu mancuara i datu pai merapi ane madago da ndawaipa tempo da napantotoraka posoki mpangipi setu.