YUDAS 1:16 - PERJANJIAN BARU NALCA YUBA

¹⁶ Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.

YUDAS 1:16 Referans Kwoze

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

PILIPI 2:14

Ugunda yok-yok wa welemun dara, wabdangoka oldanaʾ loboka welelulum.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

1 KORINTUS 10:10

Hnon Israeli nim edya, mona yeilib menegoka byablemek dara, Imik Neyung adya nimi somogollilesil lero edya osuk. Anasa, numbabya mona yeiliwoka lenaʾ ara mem.

YUDAS 1:18

Sikja dara ugunuk ara, ”Eimik soko dengaboka sidyaʾ daknamla salek oka danamla dara, perob yub ek dolbalek nenelemak nimi hnon lanawanamak. Wera an nim era, sikja malya unulunob senen ganya edyok wekdeknewoka ulumak nim ek ulumnemak,” hyek.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

GALATIA 5:16

Nadya an wenyhenya nera, ugunja unaʾ era Imik Neyung Geisinya adya bo ulusilyaʾ dara, ugunja malya unaʾ hwam ok unulusinya pika dilira dobnenggulumnulum.

YOHANES 6:61

Yesus ara, alak yuba doro diriga ban nang era waldalamekaʾ ara ganya lomok eiyisuukanya, alja dara, ”Ban yub enedya ugunja ganya dangawom-dangawom aldalalum de?

2 TIMOTIUS 4:3

Nimi jongaʾ pe ulumak yuba dobnenggunumak sum hnon yanalabok anasa, pe neklesilom. Eimik era dobnenggunumaakanya, saawoka nim adya anyek unuweisinya senewanamaakanya, nenyek ok unulumnumak. Dara, nunja o kelemeibya dara, pelemlya anyek kero ulunob senen malya neknaʾ enyek neklesinokaʾ aboka, nimi neksin nang nauba, bo boklomnemak.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

YOHANES 6:41

”Nara imik heikek ab yinggilimsa embengaʾ unaʾ gwaneng era nara alan,” hyok. Anasa, sikda Yahudi nang alak wab einimek.

LUKAS 19:7

Nimi nidyaʾ ara anyek eibek dara, hyak nauba dogom eleng alamek. Anya sikja lelemekaʾ ara, ”Wei, hyak malya nongnya bedya ek nim e bul bilimla bar!” aboka lelemek.

LUKAS 15:2

Wenyek Parisi nang eb, Yahudi yuba neksin nang eb dara, omoma lelemek. ”Wei, ban benera malya nang enyek, yoululum aboka leboka, denaʾ anaba sikeneb neikaʾ delemak!” aboka lelemek.

LUKAS 5:30

Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.