YOHANES 9:30 - PERJANJIAN BARU NALCA YUBA

³⁰ Alda wenhyokaʾ ara, ”Wera loka dabnel! Nak seleb henga lum sirikaʾ nong bok hwebnel enyek gwelegoka eibnabok, ugunda al yok pik elgom ululumaʾ anasa, loka dabnel.

YOHANES 9:30 Referans Kwoze

YOHANES 12:37

Yesus adya nimi hogung ak yokaʾ-yokaʾ hyak lok soʾ unulumok bok, sikda alak dib senenggulumek.

YOHANES 3:10

Yesus adya alak, ”Anda Israeli nim emba yuba neksinya ululam bok, nera elgom ululam de?

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

LUKAS 7:22

Anasa Yesus adya sikenek, ”Ugunda Yohanes Pembaptis bek saaboka biniboka, hekaʾ ak ugunja eiyiboka kelelumaʾ anyek, heng lum nim era gwelegoka eillilemak, yana heilimla nimi pe sekoka yabalamak, gororomaʾ adya malya uro delemla nim eneba pe bokaʾ dolomak, o ounugamna nim era kelemak, seleb somogamna nim era embengaʾ bukillilisil, Imik Neyung adyaʾ perob lero yanggan yub era bonaʾ garan nim ek leb elekdo yabalamnaʾ anyek nekdo binirum.

MATIUS 11:5

Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

MARKUS 6:6

Sikda dib senenaʾ orok anasa, Yesus ara angoo salyek mok nim senewok. Dara Yesus ara, mek-mek heik pik dongoro Imik Neyung yuba lero yabalamok.

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

YOHANES 9:29

Nunda Musa benyek Imik Neyung yub adya alak yuba salamokaʾ ella ulumab bok, anja lelelamnya bera hanyagarab yokaʾ anaba numba elgom ulumab,” hyek.

YOHANES 9:31

Imik Neyung ara malya unaʾ nim edya molonaʾ kenggulusil bok, alda pe uboka alja senelamlaʾ ok unulumak nim enyek sikja molonaʾ kelesil.