YOHANES 7:19 - PERJANJIAN BARU NALCA YUBA

¹⁹ Musa bedya nim onggom, yokaʾ salyaʾ ununggom aboka, Imik Neyung adya unuwanalum an yub era seleb ugunuk elegosuk. Bok, ugunuk dara, be hnon ban yub en keboka ununggulumla. Dara, hekasa nak obnenobaʾ aboka ulunulum do?” hyok.

YOHANES 7:19 Referans Kwoze

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 11:53

Dara, sum enyek abaʾ moruwoka, eiyiboka Yahudi dub nang edya, Yesus ak obnobaʾ aboka dulumek.

YOHANES 7:1

Ban nidyaʾ seleb unuwoka lebgogomok dara, Yahudi dub nang edya obnobaʾ aboka ulumekaʾ anasa, Yudea sokok yibinggunusinya senewoka, Galilea sokok sam uru yabalamok.

MATIUS 12:14

Bok Parisi nim ek dara, Yesus ak obnemab aboka, yuba sabnobaʾ aboka, Imik Neyung ek ara loboka yokok mamagel bilimek.

GALATIA 6:13

Nimi bolaʾ garalasak nang eneba, Yahudi nim emba unuwanalum an yub ek momnya dobokaʾ ara, nidyaʾ pe sunuwoka ununggulumak. Bok sikja dara, ugunda sikja unulumakaʾ anyek gigiwalya dara, nunja yuba keboka unulumak senewoka nonggo henobaʾ aboka, ugunuk bolaʾ garawanok senelesak.

GALATIA 3:19

Wera anaso ulumla dara, unuwanalum an yub era hekasa elegesuk do? Ban unuwanalum an yub era, nimi bleknaʾ hwam anasa, seʾ elegosuk. Hnoumunga wiknenanya hnonok pik uboka lero nang edya elegeisik. Unuwanalum an yub era, gigiwoka unulamlyaʾ ara, Abraham bek eleganenggen amoknya benyek yalya dara, wera unuwanalum an yub ek lobongganamak.

RASUL 7:38

Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

YOHANES 10:39

Dara, onoʾ saaboka Yahudi nang edya, Yesus ak salawoka heng goubnobaʾ aboka ul yabek bok, alda sikenek ab loboka yokok byuk.

YOHANES 7:25

Dara, Yesus adya nidyaʾ ban wenyaboka neklesuk sum enyek, Yerusalem heik yokaʾ nim edya, ”Yahudi dub nang edya obnobaʾ aboka elemaknya bera alan gom?

YOHANES 5:45

Ugunja dara, nadya neyung bedya saramek sam, aladya malya gebiyiwanesil senen ganya bonenggom mem. Ugunja dibnya senelelumnya Musa bedya malya gebiyiwanesil.

YOHANES 5:18

Wera Yesus adya ban wenyaboka lemok yub edya, Yahudi nang era, hyak Yesus ak obnobaʾ aboka nauba so yeiriwoka dulumek. Dara, nera Sabat mem sum bok, nimi bleboka hwelesuk amba ok gom. Onoʾ alda, Imik Neyung ara nadya neyung aboka lena adya, wera nera Yesus ara, Imik Neyung nonga gebeldalamla senewoka, dulumek.

YOHANES 5:16

Anasa leboka, Yahudi nang edya dara, Yesus ara Sabat mem sum bok, nimi hwemokaʾ anasa, alak obnobaʾ aboka dub einimek.

MARKUS 3:6

Dara Parisi nim era, goboka yibiikanya, Herodes nang eb neikaʾ hiboka, Yesus ak hekaʾ huboka obnemab do aboka yuba salamek.

MARKUS 3:4

Dara onoʾ anyagan ulumek nim ek Yesus adya, ”Nunja dolomab yub edya dara, Sabat mem sum era hekaʾ ak or unulululum hyok do? Perobnya nek ok unulululum hyok gom, malyinya nek unulululum hyok gom? Nimi nonga bleblelulum hyok gom, ololulum hyok gom?” aboka heibsuk. Bok sikda dogom ab ligiwek.

MATIUS 21:38

Wera wa damnya bedya me yalamokaʾ ak eibek dara, wa weboka meewoka ulumek nang era, wenyabdek, Wera wa damaʾ lunuwanamla me nera an. Alja wa nera nuk wa damaʾ danamabaʾ anasa, me nera obnemab! wenyabdek.

MARKUS 11:18

Dara, Imik Neyung yuba wa gakaʾ dub nang eb, yuba neksin nang eb dara, ban yub enyek seleb kebek dara, sikda Yesus ak hekaʾ huboka obnemab do aboka pik elemek. Nimi nauba alja neklesukaʾ anyek, salya uru lelelanya senelemekaʾ anasa, sikda alak loka daboka, pik elemek.