YOHANES 6:70 - PERJANJIAN BARU NALCA YUBA

⁷⁰ Danyek, Yesus sikenek, ”Wei, ugunda obadya nang enera, nadya sekiyisisaʾ an anano? Bok, ugun gangganek ara, ben hnon bisaʾ me ulumla,” hyok.

YOHANES 6:70 Referans Kwoze

YOHANES 13:27

Dara, Yudas bera ban gwanenga dol yabok sab-sab enyek, Satan bisaʾ ara aljaʾ ganya lomok wekel yeilimok. Dara, Yesus adya, ”Or anja unuwonun senemennya nera, berra unul yabalom,” hyok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 17:12

Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

YOHANES 13:18

Ugunuk nidyaʾ lenggulusin. Nadya benyek aboka dosenya bera orowek ella ulumna. Bok, Imik Neyung yuba momnya dobokaʾ ara, nablaboka neikaʾ delenamnya bedya isaʾ gebnel, amok yub anyek, gigiwolulaʾ aboka ubnamla.

YOHANES 6:64

Bok ugun gangganek an, nimi hnon dib senenggululum,” hyok. Ban wenhyokaʾ ara, hek nang dib senewanggunumakaʾ hnon, al nong ak obnelum aboka yuba dil binimoknya benyek hnon, orowek ella ulumokaʾ anasa, lebok.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

RASUL 1:17

Yudas bera nublaboka neikaʾ wa welenob aboka gaboka domoknya anasa, alablaboka neikik ulumouba,” hyok.

YOHANES 15:19

Ugunda sokok anyebaʾ ak ulusom dara, aljinya nek anasa, wanaʾ nauba ulumnesuso bok, ugunda sokok anyebnya unggululumaʾ anasa, nadya sokok ab ugunuk dosisaʾ anasa, ugunuk lek senelesil.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 13:21

Yesus ban wenyabgogomokaʾ seleb dara, ganya ya weboka, sikenek wenyhusuk, ”Nimi ben hnon ugun gangganek ab, nak yuba dil bininel wenyasinya nera, dib lemna,” hyok.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

RASUL 13:10

”Wei, anda hyak sondaʾ hwamnya ululam. Anda bisaʾ me uboka, nimi perobaʾ nenesinaʾ amba isaʾ nang dangallisinanya ululam. Anda hekasa Imik Neyung adya jongaʾ meemoknya nek sobaʾ soldol meneklelam do?” aboka lemok.

YOHANES 2:2

Dara, Yesus ab, alja diriga ban nang ab, gel sabokaʾ youmekaʾ ak del yanalum aboka sikbabya youbosik.

YOHANES 6:67

Dara, Yesus adya alja obadya diriga ban nang ek, ”Ugumbabya hnon binimab senelelum de?” husuk.

YOHANES 6:71

Ban wenhyoknya nera, Simon Iskariot bedya me Yudas bera, obadya nang ulumekjok, al hnonok yuba dil binimoknya benesa lemok.

YOHANES 20:24

Bok, Yesus yeilimok dara, yuba doro diriga bannya ben hnon nimi si Thomas yok si nera Didimus alameknya bera, yok yuba dolomek nang eb, neikik unggulumek.