Biblia Todo Logo
Bib sou entènèt

- Piblisite -




YOHANES 6:69 - PERJANJIAN BARU NALCA YUBA

69 Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

Gade chapit la Kopi




YOHANES 6:69
18 Referans Kwoze  

Dara, Marta gedya Yesus ak, ”Wenelesilimnya o, nera nara dib senelamna. Anda aldib Imik Neyung bedya me ululamakanya, nimi blebsinaʾ dubnya Kristus eimik sokok yanamla wenyameknya bera alan dib nong ululam,” hyok.


Bok Yesus ara sikenek, ”Ugun nong adya dara, nara heknya senelenulum do?” aboka heibsuk. Danyek Petrus bedya dara, ”Neyung, anda Kristus, Imik Neyung adyaʾ nimi blebsinaʾ dubnya, ululam,” hyok.


Dara Yesus adya, ”Ugunja dara, nara heknya senelenulum do?” aboka heibsuk. Wenyek Petrus bedya, ”Neyung, anda bokal yajoknya Kristus bek ululam!” hyok.


Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.


Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.


Alja me nek dara, nim ek sam dara, Daud nang yilaʾ ak ab beibek;


Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.


Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.


Alda men unumokaʾ ara, alja dong Simon be eboka alak wenhyok, ”Nunda Mesias seleb eiyimab,” hyok. (Kristus anasa lebok).


Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.


”Wei, Yesus Nazaretnya o, nuk hekaʾ hubdanamabaʾ anasa yeililam do? Anda nuk obsununaʾ aboka yeililam de? Anda heknya ululamaʾ ara, nara ella ulunggen; anda Imik Neyung bek ab geisa nongaʾ ak bokol yeilinjoknya bek ululam!” aboka lelemok.


Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.


Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.


Imik Neyung bedya me Yesus Kristus amba perob lero yanggan yuba men leb einiwok yub era ban.


Wera anadya, nunda nidyaʾ ara neik hnonok dib senenaʾ dolulaʾ aboka hnon, Imik Neyung alja me nek pe ella ulunokaʾ aboka hnon, ganya kabnokaʾ aboka hnon, onoʾ Kristus adya pe ulumlaʾ anasoʾ anyek dangoka nebgiga balanokaʾ aboka hnon, elegousuk.


Dara nuk dara, Imik Neyung adya nuk wanaʾ ulusilaʾ ara, nunja ella dangoka dib senelemab. Imik Neyung alda wanaʾ unaʾ damoknya ulumla. Nimi wanaʾ unaʾ adya ok deknewoka ululanya bera, alda Imik Neyung ab neikaʾ hiboka uluraakanya, onoʾ bera Imik Neyung ab neikaʾ kwebdangoka ulurak.


Swiv nou:

Piblisite


Piblisite