YOHANES 6:26 - PERJANJIAN BARU NALCA YUBA

²⁶ Yesus adya sikenek, ”Nara ugunuk dib lebsin, ugunda nak elenulumnya nenera, nadya yokaʾ-yokaʾ lok soʾ ak unulamnaʾ anyek eiyiboka dib senelumaʾ adya gomaʾ. Ugunda gwaneng deregoka pe demab senelumukanya, nak ebgiga yalanulum.

YOHANES 6:26 Referans Kwoze

PILIPI 3:19

Ban malya ulumak nim era, sikjaʾ ganya edya nunja nong emba pewosulul senen ganya boboka yeirilemakaʾ anasa, sik nong anaba malya uboka somoganamakaʾ ak ulumak. Sikda sokok an salyaʾ lelem perob dangalalanya nok senewoka seinilimak. Sikenek alya danasusonya nek perob senelemak.

PILIPI 2:21

Nimi yok nimi nidyaʾ ara, Yesus Kristus amba dara seininaʾ loboka, alda nunokok pewanasilinya nenyek senewoka seiniro balamak.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

YOHANES 6:2

Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

YOHANES 6:24

Dara nera, Yesus ab alja yuba doboka diriga ban nang ab, anyagan unaʾ eibnenggumek dara, nimi nauba ara mek ekla bunaʾ bukoka, Yesus ak ebgiga Kapernaum heikek bilimek.

YOHANES 3:5

Dara onoʾ Yesus adya, ”Nara hyak dib lebgen, nimi be hnon alda mek adya hnon, Geisinya adya hnon, beilinaʾ orok dara, alda Imik Neyung bedya wenesin heikek weknenggunumla.

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

YOHANES 6:64

Bok ugun gangganek an, nimi hnon dib senenggululum,” hyok. Ban wenhyokaʾ ara, hek nang dib senewanggunumakaʾ hnon, al nong ak obnelum aboka yuba dil binimoknya benyek hnon, orowek ella ulumokaʾ anasa, lebok.

YOHANES 6:53

Wenyek Yesus adya sikenek ara, ”Ugunuk hyak dib lebsin, ugunda Imik Neyung adya bokol yeilimoknya bedya aljaʾ nong soub ab, alja eneng eb, denggulumnulum dara, embengaʾ unaʾ ugunjaʾ nong lomok sam unggulumnesil.

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 6:30

Dara sikja, ”Wera neyung o, nunda anak dib senewagenobaʾ aboka, hek lok soʾ unaʾ nu hogung ek unuwanalam do?

YOHANES 6:15

Wenyaboka, sikda nimi gong dara, Yesus ak dukaʾ lolowoka sikja senenggom dubnya sekiyiwanobaʾ aboka yanamakaʾ eiyimok dara, Yesus ara anyagan loboka albeyok gokoka meinik sam bilimok.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 6:36

Bok, nara ugunuk seleb wenyasisa sok, ugunda nak okoka nong eillilinulumaʾ anababya, ugunda nak dib senenggulunulum.