YOHANES 5:42 - PERJANJIAN BARU NALCA YUBA

⁴² Bok, ugunuk ella ulusin. Ugunda Imik Neyung ak ugunja ganya edya wanaʾ unggululum ara, nara ella ulusin.

YOHANES 5:42 Referans Kwoze

1 YOHANES 4:20

Nimi ben hnon leleladya, ”Nara Imik Neyung bek wanaʾ ulumna,” alaladyok, alkabo nim ek wanaʾ usinaʾ orok dara, alda sondaʾ lelelanya ulumla. Anasa wera, nimi ben hnon alkabo heng eillililanya benyek wanaʾ unaʾ orok dara, wera Imik Neyung heng eilinggululanya bek ara, alda hekaʾ huboka wanaʾ ubnamso do?

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?

1 YOHANES 2:15

Ugunda soko anyek wanaʾ unaʾ ara mem. Anyek okoka unu wanaʾ unaʾ anaba yokaʾ-yokaʾ nidyaʾ soko dubuk sam ulumlaʾ deng anyek, wanaʾ unaʾ ara mem. Ugunda sokok anyek wanaʾ ulumun dara, Neyung bek ara wanaʾ unaʾ ara unggulumunja.

YOHANES 2:25

Yesus ak dara, alda hyak nimi ganya ak orowek ella ulusilnya bek anasa, nim adya bera ban anaso ulumla aboka, nak neknenok senewanggumok.

WAHYU 2:23

Anya gel genedya mab era, dengaboka obnamna. Anya, yuba donaʾ nimi nidyaʾ ara, nara nimi nong lomok ab ganya lomok eboka eillilesinya bek ulumnaʾ ara, ella danamak. Anasa leboka, ugunja nidyaʾ unululum sok sunuwoka ugumba deknesin.”

ROMA 8:7

Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

YOHANES 21:17

Dara, Yesus adya Petrus bek, alja onsok saaboka neiknya nenyek li winilinya sum, ”Anda Simon Yohanes mamnya, nak nauba wanaʾ ulunelem de?” aboka heibuk dara, wera Petrus bedya ganya angoo senewoka, Yesus ak, ”Wenelesilimnya o, anda yokaʾ-yokaʾ nidyaʾ ella ululamaʾ anasa, wera anasa, nadya anak nauba wanaʾ ulunggenaʾ ara anda ella ululam,” hyok dara, Yesus adya onoʾ Petrus bek, ”Wera anasa, nadya domba pam enyek pe geregoka bo ulunelom,” hyok.

YOHANES 8:55

Dara nera, Imik Neyung bek ara, ugunda elgom ululumjok, salyaʾ lelem lelelum. Bok nak dara, alak seleb ella ulumna. Nadya Imik Neyung bek, nara alak elgom ulumna henesinya dara, ugun ululum sok, senenggom sondaʾanya ulumnesinya. Bok, nara Imik Neyung bek ella ulumnakanya, alja yub ek dib senewoka unulamna.

YOHANES 8:47

Imik Neyung ak, al yalamak nim era Imik Neyung yuba perob aboka ganya gwelelek aboka dolomak bok, ugunda Imik Neyung mabo dibaʾ unggululumaʾ adya, kenggululum,” hyok.

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

YOHANES 5:44

Ugunda Imik Neyung be hnonok ok ululanya bedya gigiwousululaʾ aboka enaʾ loboka, alda ugunuk nimi yok nim edya nuk gigilesinok senewoka hogunga bo elelum dara, hekadya ugunda dib senewanasom do?.

LUKAS 16:15

Bok Yesus adya sikenek lebsukaʾ ara, ”Ugunda nimi hnoum ara, pe ulumak nang de senen dangalalum bok, ugunja ganya lomok ara, Imik Neyung adya ok ella ulusil. Nim adya hnon perob senelemaknya nera, Imik Neyung adya dara, hyak lek senelamla.

YOHANES 5:41

Nara nim adya gigiwanenok senewoka hogunga bo enggulumna.

YOHANES 5:43

Nara neyung bedya si pik moruwoka yasa bok, ugunja nak perobaʾ leboka doro dibninggunulum. Bok, yoknya bera alja si pik yalya dara, perobaʾ leboka doro dibnelum.