YOHANES 4:48 - PERJANJIAN BARU NALCA YUBA

⁴⁸ Dara, Yesus ara ban soko dubnya bek, ”Ugunda yokaʾ-yokaʾ lok so beknaʾ senenggomaʾ, lokol danaʾ eilinggululum dara, dib senenggululum,” hyok.

YOHANES 4:48 Referans Kwoze

YOHANES 20:29

Dara onoʾ, Yesus adya Thomas bek lebokja, Anak dara, nak ok okoka eibnelemaʾ anasa dib senewanelem bok, nimi yok nimi nak heng eilinenaʾ orokjok, nak dib senewanyak nim era, hyak pe ulumak,” hyok.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

1 KORINTUS 1:22

Yahudi nim era, lok so beknaʾ dibaʾ ak eibsibyaʾ aboka elemak. Yunani nim ek dara, nimi sokok an geremsengaʾ ella danganaʾ damok ak elemak.

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

YOHANES 12:37

Yesus adya nimi hogung ak yokaʾ-yokaʾ hyak lok soʾ unulumok bok, sikda alak dib senenggulumek.

2 KORINTUS 12:12

Nara aldib Kristus adya yuba lenaʾ gaknya laga beknaʾ ulumlaʾ ara, wa wenaʾ geknebaʾ ak lok soʾ beknaʾ hnon, senenggom lok so ununaʾ hnon, yok-yok migib ununaʾ ab dadya, ugun gangganek ab, nara hyak ganya siklewoka laga okoka welemsa.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

RASUL 2:43

Obadya nang Imik Neyung yuba lenaʾ gak nang edya, yokaʾ-yokaʾ senenggom lok so ununaʾ ab, lok so beknaʾ ab danyek, nauba unulumek dara, nimi nidyaʾ ganya loka daboka ulumek.

YOHANES 2:18

Yesus adya ban unusukaʾ seleb dara, Yahudi dub nang era Yesus ak, ”Wera or anja nuk hekaʾ hubmen anyek eibnobaʾ aboka, anasa ulumna aboka hyak yok so beknaʾ dibaʾ enyek unuwalom,” hyek.

LUKAS 16:31

Bok Abraham bedya dara, sikda Musa bedya yub eb, ununumnaʾ lelemek nang yub enyek, dib senenaʾ loboka eib lobneseng dara, nimi somogoka suboka bukesonya bedya wenyaro bisoʾ anaba dib senewanggunuseng, hyok,” wenyaboka lebok.

2 TESALONIKA 2:9

Nimi malya nenesinaʾ dubnya bera alda bisaʾ dubnya Satan bedya nimi malya nenesin migib eb lanawanamla. Dara ban nimi malya nenesinaʾ adya dara, sondaʾ anasa leboka, yok-yok lok so migib ununaʾ ab, beknaʾ ab senenggom lok soʾ nauba uro yabalemnamla.

RASUL 15:12

Wera danyek, anyagan longomek nimi nidyaʾ yuba sanaʾ loboka gelegemek. Anya yuba gelegoka, Paulus beb, Barnabas beb dadya, Imik Neyung ara sik pik uboka nimi yok soko nim Yahudi gom nim ek yokaʾ-yokaʾ lok so beknaʾ ab senenggomaʾ lok soʾ anyek sik gangganek unulumok anyek neklesirik dara, sikenek kero bulumek.

RASUL 7:36

Dara, al neik Musa ben edya Israeli nimi Mesir sokok ab bleboka bo uboka, onoʾ alja senenggom lok so ab, beknaʾ ab, unulumok ara, Mesir sokok hnon eneng mek gwan ek sam hnon, holaʾ seknenggulumok sokok sam hnon, unuwoka gibnaʾ denga hnonok ebdobnya mekbadya meewoka bo diri balasuk.

RASUL 6:8

Stefanus bera Imik Neyung adya wanaʾ uboka eleksinaʾ ab migib unaʾ ab dadya, deknewoka ulumok adya, alja hyak lok soʾ ab, senenggom beknaʾ anaba nimi hnoum nauba unuro yabalemok.

RASUL 5:12

Dara, yuba lenaʾ gak nang adya nimi gangganek yokaʾ-yokaʾ lok so beknaʾ ab, senenggomaʾ lok so ununaʾ gong gong anyek, unura yabalamek. Wera Imik Neyung yuba dolomek nim era ganya hnonok uboka Salomo pik sindamak sam mamagoka yuba dolomek.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

RASUL 2:19

Nara yokaʾ-yokaʾ hyak lok so anyek imik eini sam unulumnamna. Onoʾ hyak lok so hnon ounu sokok sam an unulumnamna. Eneng ab, uk ab, senenggom solom ab, lanawanamla.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

LUKAS 10:18

Danyek Yesus adya sikenek lebnesukaʾ ara, ”Bisaʾ dubnya Satan ara ebnaʾ langam-langam aboka, imik abaʾ ara malyinggyukaʾ ak eibsa.

MATIUS 27:42

”Nimi yok nim ek dara, merellilisil bok anasa, wera al damnya saaboka blebdamenggom! Alda aldib Israeli nim dubnya ululyebok dara, wera oboka glamak galak ab mereboka yinggilya enyek, nunda alak dib senewanamab.

MATIUS 16:1

Wera Parisi nim eb Saduki nim eb Yesus ak sene sunuwanobaʾ aboka yeilimek. Sikda Yesus ak, alda aldib Imik Neyung ak ab yeilimok aboka ella danobaʾ aboka, lok so beknaʾ hnon meewalom aboka molowek.

YOHANES 4:49

Ban soko dubnya bedya Yesus ak, ”Neyung, nadya me anam somoganggumlya salek enyek ban men yalom,” hyok.