YOHANES 4:22 - PERJANJIAN BARU NALCA YUBA

²² Ugunda Samaria nim era, ugumba ella unggululumnya nek giblelum. Bok nunda Yahudi nimi numba ella ulumabnya nek, nimi blebsinaʾ damok ara, Yahudi nim ek ab yalamlaʾ anasa, numba ella ulumabnya nek giblemab,” hyok.

YOHANES 4:22 Referans Kwoze

RASUL 17:23

Nara ugunja heik gangganek sam yabalamsakanya, ugunja giblelumaʾ deng anyek kemero yabalamsa dara, ugunja yokaʾ ak uka daboka gibnaʾ oulyang era hnonok ak eiyimsa dara, anyagan unulum ak ara lero momnya dorobja, Im nang ben hnon elgom ulumabnya nek giblemab, aro giblelumaʾ ak eiyimsa. Wei, anasa ugunja im nang elgom alalumnya nenyek wen neknesin.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

IBRANI 7:14

Nimi nidyaʾ ella ulumabaʾ ara, nunjaʾ Wenelesilnya Yesus ara, Yehuda nang yilaʾ ak ab beibek. Bok Musa bera yuba wa gak nang lelewoka doboka sekiyiwanamok sum era, Yehuda nang yilaʾ ara, hnon yuba wa gak nang ulumnemak aboka, hnon lebnenggumok.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

ROMA 11:18

Dara ban al soruk enesa leboka, ugunda hamaʾ daknenggom, mem! Bok ugunda hamaʾ daknelum dara, banyek seiniwanalum, anera ugunda an yareng enyek an maknenggublum, bok yareng enedya ugunuk an makal yousuk.