YOHANES 3:6 - PERJANJIAN BARU NALCA YUBA

⁶ Nimi nong ak dara, nim adya beillilimak bok, ganya ak dara, Imik Neyung Geisinya adya beillilisil.

YOHANES 3:6 Referans Kwoze

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

1 KORINTUS 6:17

Bok, Wenelesilnya Imik Neyung beblaboka neikaʾ denewoka ululanya bera, Wenelesilnya beb alab, ganya ak dara, hnonok dangalarak.

ROMA 7:18

Anasa nara ella ulumnaʾ ara, na nimi nonga ulumnaʾ ak ara, yokaʾ hnon perob soʾ digumaʾ ara unggulunel, orok. Na pe unuwanesinya beknaʾ era ulunel bok, perobaʾ amba ununanya nera, unggulumla.

ROMA 8:13

Dara, ugunda nimi malya unaʾ ganya ak sunuwoka ulumnelum dara, ugunda eimik era somoganalum. Bok ban Geisinya pik uboka ugunja ganya nong adya unuwounun senelamlaʾ anyek pika garawoka olomnelum dara, ugunda embengaʾ ulumnelum.

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

KOLOSE 2:11

Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

ROMA 7:25

Bok Imik Neyung adya nunja Wenelesilnya Yesus Kristus pik uboka blebnyok anasa, alak ok giblenob! Anasa nara nadya geremseng ganya ak sam ara, Imik Neyung adya unuwanalum an yub amba welenabok, nadya nong unaʾ ak sam ganya era malya unaʾ damok wa amba welemna.

YOHANES 3:7

Nadya ugunuk saaboka beibnesil wenyalasinaʾ ara, anda loka dabnenggununggeso.