YOHANES 19:18 - PERJANJIAN BARU NALCA YUBA

¹⁸ Dara wera, Yesus ara mein enyek an gal ak glamek. Wera neik sum enyek, Yesus ab, hokaʾ dorek nang penya uboka, ben hnon sirik ek sam, ben hnon waneng ek sam, Yesus ara hnoumung uboka, gal ak glabsik.

YOHANES 19:18 Referans Kwoze

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

YOHANES 18:32

Ban unumoknya nera, Yesus adya alak somoganamokaʾ anasa, orowek al damnya unuwanenel aboka leldalamokaʾ anyek, gigiwolulaʾ aboka lebek.

MATIUS 27:44

Hnonda Yesus ab neikaʾ oboka glasik nang edyaʾ anaba, neik so unu derewoka walarek.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

YOHANES 19:32

Dara, yin bona nang era men biniboka, Yesus ab, neikaʾ penya nang gal ak glasik nang edya yan moumenaʾ yoka nidyaʾ bologosik.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.