YOHANES 17:13 - PERJANJIAN BARU NALCA YUBA

¹³ ”Wene salek anak yanamna bok, nara sokok an anam ulumna salek enyek, sikenek ei-ei ganya, nak ulunel sok, sikenek deknewosululaʾ aboka, mololesin.

YOHANES 17:13 Referans Kwoze

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

YOHANES 15:11

Nadya ei-ei ganya ara ugunja ganya ek ulumnesilikanya, ugunja ei-ei ganya bololumaʾ ara deknelesululaʾ aboka, ban nidyaʾ ara ugunuk lebsin.

YOHANES 3:29

Dobnamna gel gera, dobnenanya bek aljinya ulumla. Dobnenanya aljaʾ hem bera, sikda dobdanaraakanya, doblanya bedya yuba hnon kelemla dara, eiya dablamla. Anasonya neikik, wera nababya hyak nauba eiya dablenel.

1 YOHANES 1:4

Ban nenyek nidyaʾ ugunuk wenyaboka momnya dosabaʾ ara, anadya nunja ganya hyak heksululaʾ aboka ubsab.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

2 YOHANES 1:12

Nadya dara, yok-yok yuba nauba wenyhenesisinya bok, momnya donaʾ pik uboka danagom senewanaʾ anasa lobna. Alda nunja ganya eiya dabsululaʾ aboka, nara ugunuk seʾ kemel yeisinya sum enyek, ugunub neikaʾ bukoka sabnemab senewan.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

YOHANES 7:33

Danyek, Yesus adya lebokja, ”Nara sokok an ugunublaboka ulumnamab salek era, hyak mek ok ublaʾ anasa, ban nen seleb dara, na bokol yeilinyoknya bek saaboka binimna.

YOHANES 17:11

Nara sokok an loboka anak yanamnaʾ anasa, anyagan unggulumnamna bok, sikenek dara, sokok an or ulumnamak. Anasa, Neyung geisa ululamnya o, anab nab neikaʾ denewoka ulunam sok, sikbabya hnonok nong ulunokaʾ aboka, anja nak elegenulum si migib edya, sikenek bleboka bo ulumnesilim.