YOHANES 17:10 - PERJANJIAN BARU NALCA YUBA

¹⁰ Nidyaʾ yokaʾ-yokaʾ narinya nera anjinya ulumlakanya, anjinya neneba narinya ulumla. Anasa leboka, sik nong adya nadya si imik dal.

YOHANES 17:10 Referans Kwoze

YOHANES 10:30

Nab Neyung beb dara, hnonok ok ulunam,” hyok.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

2 TESALONIKA 1:10

Ban nidyaʾ ara, Imik Neyung ak dib senelemak nim edya gibnunaʾ aboka hnon, onoʾ alja munaʾ Imik Neyung mab edya nak gibnenokaʾ aboka yanamla sum era, ugunda nunja bo yeilimouba yub ek dib senewoka dolumaʾ anasa, yok nim unuwanamakaʾ gangganek sam ugumbabya ulumnelum sum enyek, nidyaʾ gigiwoka unuwanamla.

KOLOSE 2:9

Hnonda Kristus alja nong yokaʾ ara, Imik Neyung ganya ulumlaʾ nidyaʾ ara alak gobdo ulumla.

2 TESALONIKA 1:12

Wera ban nenyek unulumunaʾ adya, wera nunjaʾ Wenelesilnya Yesus ara si imik nenewanalumukanya, onoʾ nunjaʾ Wenelesilnya Imik Neyung adyaʾ aljaʾ wanaʾ uboka eleksinaʾ sunuwoka, nunjaʾ Wenelesilnya Yesus Kristus adya ugunja si neneba imik nenewanasil aboka mololesab.

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

RASUL 19:17

Nimi nidyaʾ Yahudi nimi yokaʾ ab, Yahudi gom nim eb, Epesus heikek ulumek nimi nidyaʾ ara, ban unuweisil an yuba kemek dara, sikda hyak ganya loka dasuk. Wera danyek, Wenelesilnya Yesus si ara imik nenewoka gibgiga balamek.

YOHANES 11:4

Wera Yesus adya Lazarus be neiklamla an yuba kebok dara, ”Ban neiklamla neiknaʾ edya dara, somoknaʾ damoka lanawanggunulabok, Imik Neyung si imik nenen damba ban unulamlaʾ adya, al dam nang si imik nenewoka, onoʾ al neiknya Imik Neyung bedya alja me nedya si hnon imik nenewanokaʾ aboka ulumla,” hyok.

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

GALATIA 1:24

Dara sikda nasamba leboka, Imik Neyung ak perob aboka giblemek.

YOHANES 12:23

Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal.