YOHANES 16:20 - PERJANJIAN BARU NALCA YUBA

²⁰ Nara ugunuk dib lebsin, Ugunda engewoka bonggeliklimnelum bok, soko ak dara, eiya hlaboka glolomnamla. Ugunuk sugunaʾ ganya bolomnulum bok, ugunja sugunaʾ ganya era eimik ei-ei ganya danamla.

YOHANES 16:20 Referans Kwoze

YAKOBUS 1:2

Hemyabo nim o, ugunuk yokaʾ-yokaʾ damok adya nauba sunulusil dara, ban ara perobaʾ ak ulusil senewoka pe eiya daboka ulululum.

MATIUS 5:4

Igin ganya bolomak nim era, Imik Neyung adya sikenek ganya sangab eleganesil bok anasa, pe ulumak!

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

MARKUS 16:10

Dara gel gera, Yesus alja hemyab era, solom amba engero pelemek nang ek, unuwal aro nekdo byuk.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

LUKAS 24:21

Alda nunja dara, alja Israeli sokok nidyaʾ blebnesil senelemouba! Anya wera al orob salek era, sum winilinya sum era dal.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

ROMA 5:11

Anya onoʾ nenyek ok gom! Hnonda onoʾ, nunja Wenelesilnya Yesus Kristus al pik uboka, nunda ban neikaʾ hinaʾ dobubaʾ anasa, wera nunda Imik Neyung lomok uboka bolboloklemab.

LUKAS 24:17

Danyek Yesus adya sikenek, ”Ugunda hekaʾ yub ak pik enyek anara salarum do?” aboka heibsuk. Sikda hogunga sal-salyaʾ uboka balarekaʾ ara sek lobdek.

LUKAS 23:27

Nimi nauba Yesus bo balamekaʾ weilik ara diriga ban dara, ana gangganek ara hnonda gelewa ak balamek. Gelewa dara, Yesus amba nauba ngeboka engebgiga balamek.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.

WAHYU 11:10

Dara nidyaʾ soko anam ulumeija nim era, ban penya ununumnaʾ len nang emba, sikenek malya nenewoka ol neblesirijaʾ anasa leboka, wera sikenek pewarek aboka eiya hlaboka, ganya heknaʾ dibaʾ ak hnon, elegeldalamnamak.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

YOHANES 16:6

Bok, ban nenyek ugunuk seleb lebsin adya, ugunja ganya engewoka soloma dabsil.

LUKAS 22:62

Dara Petrus bera heikek goboka yibiniboka nauba goukdik-goukdika engel byuk.

LUKAS 22:45

Seleb heng uboka molobgogowok dara, Yesus ara alja yuba doro diriga ban nang ek saaboka yok. Yeiniboka kemelesuk enyek, sikda ganya suguwoka angwei senen ganya bomekaʾ anasa, salyaʾ hogunga mamekaʾ ak eibsuk.

LUKAS 6:21

Ugunda wen gwaneng ok ulusil nim era, eimik era, mona buknesilaʾ anasa, pe ululum. Ugunda wen engelelum nim era, eimik era, oksewanalumaʾ anasa, wera pe ululum.

MARKUS 14:72

Dara al wene sab-sab, ayam yuba penenya ngoubuk. Wenyek Petrus bera, Yesus adya alak men danyek, ”Anda ayam yuba li penya ngoubnenggulyebok, anda nak sondaʾ amba lika winilya bobnenewoka sondaʾ lebnenelem,” amoknya nek seiniwok. Anasa, alda anyek seiniwoka, goukdik-goukdik aboka nauba engewok.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

YOHANES 20:20

Yesus adya ban seleb wenyaboka lebok dara, alja soruka paku bokomekaʾ ab, yaijaʾ ak gamaʾ dolugumekaʾ ab, wera an unuwanyekaʾ anyek, kendululum aboka sikenek amasuk. Dara, alja diriga ban nang era Wenelesilnya eiyimek dara, hyak nauba eiya dasuk.

MATIUS 21:38

Wera wa damnya bedya me yalamokaʾ ak eibek dara, wa weboka meewoka ulumek nang era, wenyabdek, Wera wa damaʾ lunuwanamla me nera an. Alja wa nera nuk wa damaʾ danamabaʾ anasa, me nera obnemab! wenyabdek.