YOHANES 16:1 - PERJANJIAN BARU NALCA YUBA

¹ ”Ban nidyaʾ wenyalasin ara, ugunda solom ganya boboka lobmunuk aboka lelesin.

YOHANES 16:1 Referans Kwoze

1 PETRUS 2:8

Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.

MATIUS 13:21

Bok, sikja dolomak Imik Neyung yub ara yarenga eleknenggulumlaʾ adya, sikda pe bobmoruwoka unggulumak. Sikda Imik Neyung yuba dobnaʾ amba leboka, ganya okna dabel yaban gom, yok nim edya ol yabasin gom dara, gobdo malya dangalamak.

YOHANES 16:4

Eimik ubnamla sum era, al orowek nekesukaʾ ara, seiniwanalum aboka, ban lebsin. Men salek era, nara ugunuk neikaʾ ulumoubaʾ anasa, ban yuba neknenggusisa.

MATIUS 24:10

Dara ban salek era, nimi nauba yuba domeija bok dib senenaʾ ara dengaboka, waboka malya nenebdangoka obnelum aboka yuba dibdangdo yibinemak.

ROMA 14:21

Anasa pam soub gom, anggur mek gom, or yokaʾ anyek, anjaʾ hem bek ouluk diknaʾ girik danemlya ara anda denaʾ lobnesom dara, hyak perob.

MATIUS 13:57

Wenyaboka sikda Yesus ak anda nu lek aboka seinimek. Bok, Yesus adya sikenek, ”Ununumnaʾ lelelanya bera mok soko nidyaʾ ara alak perobaʾ lelemak bok, alda aljaʾ meneng heikek ab, alja e yokaʾ ak ab dara, perob senenggulumak,” hyok.

MATIUS 11:6

Nak an solom ganya boboka lek senenggulunyak nim era, or pe ulumak!” hyok.

YOHANES 15:11

Nadya ei-ei ganya ara ugunja ganya ek ulumnesilikanya, ugunja ei-ei ganya bololumaʾ ara deknelesululaʾ aboka, ban nidyaʾ ara ugunuk lebsin.

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.