YOHANES 15:6 - PERJANJIAN BARU NALCA YUBA

⁶ Heknedya nablaboka kwebdangoka unggulunam dara, gal soruka diboka bobogamna ek mekemnaʾ anaso ulumla. Ban anaso soruk ara, neikaʾ ak mamagoka uka dalamak dara, uka delemla.

YOHANES 15:6 Referans Kwoze

MATIUS 7:19

Perob galdoka mounggulumla gala nidyaʾ ara, weboka uka dalamak.

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

MATIUS 13:41

Nimi dibaʾ me seknamlakanya, nimi yok nim ek malya ul eleklesak nimi nidyaʾ ara wera henga goubuka bob mamaganalum aboka, lero nang ek oruganesil, anya nimi nidyaʾ malya unaʾ ok unuro ulumak nimi nidyaʾ ara bob mamaganasil.

MATIUS 3:10

Gal ara yarenga lelewoka weboka uka dabnamna senewoka orowek ya beibuk. Gala nidyaʾ perob doka mounggulumla gal era, weboka uk ak boboganamla,” hyok.

2 PETRUS 2:20

Nunjaʾ Wenelesilnya uboka, nimi blebsinaʾ dubnya Yesus Kristus adya nimi malya nenelesil sokok ab seleb bleboka dobsuk bok, onoʾ eimik saawoka henga weboka youlesil dara, wera unuwanya bera men dara or pe ulunabok, eimik era hyak gobdo malya dangalamla.

IBRANI 10:27

Sene sobaʾ malya ubdidiganamab dara, Imik Neyung ara yana lelewoka, alak isaʾ nenelemak nim ek uka dabnesil senenaʾ ak ok hnonok ulumla.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

MATIUS 27:5

Anasa Yudas bera dengnaʾ domok rupiah era Imik Neyung e lomok sam salyaʾ bobok loboka, byuukanya, al nong ara henga ngangak geregoka galek elekdok.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.