YOHANES 14:4 - PERJANJIAN BARU NALCA YUBA

⁴ Na binimna pik era ugunda ella ululum,” hyok.

YOHANES 14:4 Referans Kwoze

YOHANES 10:9

Nara pik nong dibaʾ ulumna e. Heknedya pik dibaʾ ak uboka weklelanya bera alak blebnamla. Dara, pik dibaʾ pik bini yeini uboka perob denaʾ deregoka ulumnamla.

YOHANES 16:28

Nara Imik Neyung bek abaʾ ara sokok yeilimsa. Dara, onoʾ wen saaboka sokok loboka Neyung bek binimna,” hyok.

YOHANES 14:2

Nadyaʾ neyung bedyaʾ heikek ara, e nauba ulumla. Anaso unggulumso dara, ugunuk wenyhenggunusisinya. Ugunsamba e sobnesinaʾ anasa, binimna.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

YOHANES 14:28

”Nara binyekanya, onoʾ ugunuk saaboka yanasin amnaʾ ara, seleb kelum. Dara, nak wanaʾ ulunesom dara, nara meknya Neyung bera senenggomnya anasa, nara Neyung bek bininanya nenyek, ugunda eiya dabnesuso.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

LUKAS 24:26

Kristus, nimi blebsinaʾ dubnya bera, men dara, hyak nauba igina kweboka gweknamlakanya, eimik era alda imik senenggomnya dubnya nenewanamla henggubuk de?” hyok.

YOHANES 14:3

Dara, nara biniboka ugunsamba e seleb sobgogoweisinya dara, na ulumnaʾ ak sam ugumba ulululumaʾ aboka, nara saaboka el yeisinyekanya, na ulumnaʾ ak bo binisin.

YOHANES 14:5

Thomas bedya saaboka, ”Wenelesilimnya o, an binilamaʾ ak ara, nunda elgom ulumabaʾ anasa, hekaʾ huboka pik era ella danasibya do?” hyok.