YOHANES 14:21 - PERJANJIAN BARU NALCA YUBA

²¹ ”Heknedya nadya oruklesin yub ek salawoka unululanya bera, nak wanaʾ ulunelnya bera alan. Dara, nak wanaʾ ulunelnya bek, nadyaʾ neyung bedya alak wanaʾ ulumnamlakanya, nababya alak wanaʾ uboka nadya nong alak aawanamna,” hyok.

YOHANES 14:21 Referans Kwoze

YOHANES 14:15

”Ugunda nak wanaʾ ulunumun dara, nadya oruklesin yub ek sunuwoka unulumnulum,” hyok.

1 YOHANES 5:3

Anasa wera, Imik Neyung ak wanaʾ ulumab dara, nunda alja oruklesil yub ek pe keboka unulumab ok. Dara, ban oruklesil yub era nunsamba igin nong unggulusil.

1 YOHANES 2:5

Bok nimi hnon Imik Neyung yub ak pe keboka unululanya bera, alda Imik Neyung wanaʾ unaʾ ak seleb kaboknya be ulumla. Wera nunda Imik Neyung ab neikaʾ kwebdangoka ulumabaʾ damok ara an.

2 YOHANES 1:6

Wanaʾ unaʾ dibaʾ ara, Imik Neyung yuba lelesilaʾ sunuwoka ulumabaʾ ara, alan. Dara, alja orugosukaʾ ara, ugunda anam yuba dib senelum sum enyek moruwoka kelum sok, sobaʾ wanaʾ ubdangoka ulululum aboka orugosuk.

YOHANES 16:27

Ugunda nak alda Imik Neyung ak ab yeilimok senewoka, wanaʾ nauba ulunulumaʾ anasa, Imik Neyung adya ugunuk hnon wanaʾ ulusilekanya, alja yokaʾ-yokaʾ ugunuk eleganasil.

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

YOHANES 15:14

Ugunda nadya oruklesin yub enyek, keboka unulumnulum dara, ugunda nadya hemyab ulumnulum,” hyok.

WAHYU 3:20

Nara pik sindamak sam sekoka pika glorum-glorum alasinaʾ anyek kendululum e! Nimi ben hnon nadya yuba keboka pika baknelya dara, nara wekoka alab eibdananamakanya, nara alab, alda nab, neikaʾ delemnenam.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

YOHANES 16:14

Alja nak ab doboka, ugunuk neklemnesil adya, nadya si imik nenewanenel.

YOHANES 14:18

Nara ugunuk okna mabo geknebaʾ lobinggunusin. Onoʾ nara ugunuk samal yanasin.

2 TIMOTIUS 4:22

Wenelesilnya bera anak ganya arawoka ulunggulul. Wenelesilnya bedya anak wanaʾ uboka eleksinaʾ ulusulul. Nara Paulus bedya seleb lemna.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

RASUL 22:18

Dara onoʾ Wenelesilnya bedya, anyagan ulumak nang era, anja lel yabasimen yuba keboka dobnenggumakaʾ eibna anasa, anda Yerusalem heik loboka, yokok berra bilom, anyok,” hyok.

2 KORINTUS 12:8

Wera sabalaʾ manyokaʾ ak, gwenewanelom aboka, Imik Neyung ak liga winilya molobsiniwasa.