YOHANES 13:21 - PERJANJIAN BARU NALCA YUBA

²¹ Yesus ban wenyabgogomokaʾ seleb dara, ganya ya weboka, sikenek wenyhusuk, ”Nimi ben hnon ugun gangganek ab, nak yuba dil bininel wenyasinya nera, dib lemna,” hyok.

YOHANES 13:21 Referans Kwoze

MATIUS 26:21

anam delemek salek, Yesus adya, ”Nimi ben hnon ugun gangganek ab, nak or oblulum aboka yuba dil bininel,” hyok.

YOHANES 13:18

Ugunuk nidyaʾ lenggulusin. Nadya benyek aboka dosenya bera orowek ella ulumna. Bok, Imik Neyung yuba momnya dobokaʾ ara, nablaboka neikaʾ delenamnya bedya isaʾ gebnel, amok yub anyek, gigiwolulaʾ aboka ubnamla.

MARKUS 14:18

Sikda anyagan bukoka dero balamek salek, Yesus ara sikenek, ”Nara ugunuk wenyhenesinaʾ ara, dib lebnesin, Ugun gangganek be hnon, nab neikaʾ delenamnya bedya, alda nak obnenokaʾ aboka yuba dil binimla,” hyok.

YOHANES 12:27

Wenera nadya ganya soldob menegoka ubnelaʾ anasa, wera hekaʾ ak lebnamna do? Neyung o, nak wene salek or blebnelom henemna de? Orok, al nenesa unuwonunaʾ aboka yeilimsa,” hyok.

YOHANES 11:33

Wera, Maria gera engel yabok dara, Yahudi nim eneba engel yabekaʾ anyek, Yesus ara eiyimok dara, Yesus anaba ganya gololong aboka umok.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

RASUL 17:16

Wera Paulus bera anam or Silas beb Timotius beb yalarija sok aboka, Atena heikek diri ulusuukanya, heik enyegan kemelemok dara, anyagan ara nimi bisaʾ molowoka hweldanaʾ ok uru balamek ak eiyimok dara, hyak ganya angoo senemok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 11:38

Dara, Yesus ara onoʾ angwei senewoka, ganya nonga obdangoka, Lazarus be diyimek oulyang ak bilimok. Lazarus bera selengaʾ ak girik adya denewoka diyimek.

YOHANES 11:35

Dara, Yesus anaba engenaʾ salamok.

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

MATIUS 26:38

Dara Yesus adya alja yuba doro diriga ban nang ek, ”Nara ganya igina berewoka, engenaʾ ganya beibnelekanya, dib somoganamnaʾ anasoʾ anyek ubnel. Anasa, ugunda anyagan diri ulumunukanya, onoʾ nab neikaʾ diri ubnemab,” hyok.

YOHANES 13:22

Dara, alja yuba doro diriga ban nang era, keebdangdo balameekanya, heknyek lemla do senewoka ganya esuk.