YOHANES 12:35 - PERJANJIAN BARU NALCA YUBA

³⁵ Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

YOHANES 12:35 Referans Kwoze

YOHANES 12:46

Nak dib senelenija nim era, gunaʾ lomok ulumeijek aboka, nara imik abaʾ ara sokok an dilinaʾanya yeilimsa.

YOHANES 16:16

”Ugunja nak eibnenggununulum salek era, mek anam ubnamlakanya, onoʾ saaboka eibnenulum salek era, mek anam ubnamla,” hyok.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

YOHANES 11:10

Bok, nimi ben hnon salyaʾ inimnek yabalamla dara, alak dilinaʾ unggulumlaʾ anasa, yana girik oluka diknamla.

YOHANES 12:36

Ugunda dilinaʾ mabo danalum aboka, dilinaʾ ugun gangganek anam ulumla salek enyek, dilinaʾ ak dib senewoululum,” hyok. Yesus ara wenyabgogomokaʾ seleb dara, sik gangganek loboka, yokok sam doknol bilimok.

YOHANES 7:33

Danyek, Yesus adya lebokja, ”Nara sokok an ugunublaboka ulumnamab salek era, hyak mek ok ublaʾ anasa, ban nen seleb dara, na bokol yeilinyoknya bek saaboka binimna.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

YOHANES 11:9

Wenhyek bok, Yesus adya saaboka lebokja, ”Li hnonok dara, dilinaʾ ara obadya jam ulumla do? Wera anasa, ben hnon ara sokok dan dilinaʾ ulumlaʾ anyek, yubyek pe keeboka yabalamla dara, wera girik oluka diknenggunumla.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

LUKAS 18:37

Dara yok nim edya benyek an, ”Nazaret mok ebnya, Yesus anyek pik enyegan yabalamla,” hyek.