YOHANES 12:25 - PERJANJIAN BARU NALCA YUBA

²⁵ Heknedya alja nong unaʾ ek wanaʾ nauba uldalamla dara, eimik alja nong unaʾ weiningdowanamla. Bok, heknedya meneng nong ek sokok an wanaʾ uldanggulumla dara, eimik alak bo beiyiboka pe ulmoublemnamla.

YOHANES 12:25 Referans Kwoze

MATIUS 10:39

Nadya ganya nonga namok senelelanya bera, alja nong era weiningganamla bok, alda nasamba leboka, alja nong era weininglelanya bera, eimik era alja ganya nong era eibnamla,” hyok.

LUKAS 17:33

Nadya nonga hyak pe blebdonun senelemak nim era, sikda weiningdanamak. Bok sik weiningdanamak nim era, sik nonga blebdanamak.

MARKUS 8:35

Anasa nadya nong anyek weiningdanyek senen ganya bololanya bera, alda denghenelabok, Imik Neyung adyaʾ perob lero yanggan yub eb, nasamba hnon leboka, al weininggeldalamla dara, were alja nong era, eimik blebnamla.

MATIUS 16:25

Anasa nimi nidyaʾ nunja nonga denghelyek senewoka blebeldalamak nim era, sikda weiningdanamak. Bok nasamba leboka, sik weiningdanamak nim era, sikja nong eibnamak.

LUKAS 14:26

”Nimi ben hnon ara nak yalanel bok, bera aljaʾ genong gek gom, aljaʾ neyung bek gom, alja gel gek gom, alja me nek gom, alja weisab ek gom, goma al nong unaʾ ak gom, hyak wanaʾ nong ulumla dara, alda nadya diriga bannya danggunumla.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

MATIUS 19:29

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

RASUL 21:13

Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

IBRANI 11:35

Dara nauba nim era, sikja nim era seleb embengaʾ subuka bukuldilimekaʾ anasa, sikda seleb saawoka doro yibik. Bok yok nim ek dara, sikda hyak embengaʾ subnanya perobnya nenyek dobnob senewekaʾ adya, sik nong ara iginaʾ doboka, or pe unaʾ ak dara dobnenggubek.