YOHANES 11:52 - PERJANJIAN BARU NALCA YUBA

⁵² Ban somoganamoknya nera, sik Yahudi nim emba ok lebnenggumok bok, nidyaʾ Imik Neyung mabo bokgogoka ulumek nim enyek, bolowoka neikaʾ ak nenewosululaʾ aboka somoganamoknya nenesa, ununumnaʾ dibaʾ lemok.

YOHANES 11:52 Referans Kwoze

YOHANES 10:16

Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

1 PETRUS 1:1

Nadyaʾ hemyabo nim o, Imik Neyung adya weboka dobsuk nim, Pontus moka hnon, Galatia moka hnon, Kapadokia moka, Asia uboka Bitinia moka doluwoka obyakasik nim ek, nara Petrus, Yesus Kristus adya yuba lenaʾ gaknya bedya, Imik Neyung adya ugunuk perob eleknaʾ ab, pe unaʾ ab, hyak nauba eleklesulul senelamna.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

ROMA 3:29

Goma, Imik Neyung ara hnon Yahudi nang emba Imik Neyung ok ulumla de? Alda yok mok nim amba Imik Neyung ulumla do? Wera al an, aldib. Alda yok mok nim amba hnon, sikja Imik Neyung ulumla!

LUKAS 2:32

wera, yok-yok mok soko nim emba dara, laga aamanaʾ geknenaʾ danamla dilinaʾ era yalakanya, anja nim Israeli nim emba dara, imik giginaʾ damok danamla,” hyok.

YAKOBUS 1:1

Nara Yakobus bedya Imik Neyung ab, Wenelesilnya Yesus Kristus amba arawoka welenanya bedya, obadya nang yilaʾ ak, mok soko me nidyaʾ ob lelewoka ululum nim ek nadya perob aboka gibsin.

EPESUS 3:11

Ban unumoknya nera, men orowek unuwanamnaʾ senemokaʾ sunuwoka, nunjaʾ Wenelesilnya Kristus Yesus pik uboka unusuk.

EPESUS 1:5

anadya nu nong anyek, Yesus Kristus pik uboka hyak men youmaʾ enyek orowek weboka doboka, alja mabo yokaʾ gebsuk. Wera alja men danyek perob senewoka unuwanamna senemokaʾ ara an unuwousuk.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

RASUL 18:10

Nara anablaboka ulunam anasa, heik enyegan nimi nauba ulumaknya nera, nadya nim anasa, yok nim edya anak yokaʾ unuwanggununjak,” hyok.

YOHANES 12:32

Bok nak dara, sokok anyek dara, imik nenewanelya dara, nimi nak gliboka eboka bo yanamna,” hyok.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 1:12

Bok, alak dib domek nanga nidyaʾ ara, alja si nek dib senemek nim era, Imik Neyung mabo dangalamak migiba elegosuk.

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

LUKAS 15:8

”Goma, gela hnon sagobadya rupiah beiyisobok, hnon gaboka weiningganamso dara, gela gera na rupiah aboka hekaʾ hubnamso do? Wera gera alja e sembejaʾ bokoka, wesaʾ yeboka yok pik nidyaʾ ero yabalamsoʾ ara eibnamso.