YOHANES 11:15 - PERJANJIAN BARU NALCA YUBA

¹⁵ Bok, nak Lazarus be ulumlaʾ ak sam unggulumsaʾ adya, eiya dabnel. Wenyek dara, anadya ugunda dib senewanalum dara, pewanesilaʾ anasa, eiya dabnel. Anasa, wen nunda alak binimab,” hyok.

YOHANES 11:15 Referans Kwoze

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

YOHANES 12:30

Yesus adya sikenek, ”Yalaʾ keblumnya nera, nasamba ubnenggublabok, nera ugunsamba leboka ubla.

YOHANES 11:4

Wera Yesus adya Lazarus be neiklamla an yuba kebok dara, ”Ban neiklamla neiknaʾ edya dara, somoknaʾ damoka lanawanggunulabok, Imik Neyung si imik nenen damba ban unulamlaʾ adya, al dam nang si imik nenewoka, onoʾ al neiknya Imik Neyung bedya alja me nedya si hnon imik nenewanokaʾ aboka ulumla,” hyok.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

1 YOHANES 5:13

Ugun Imik Neyung bedya me si nek dib senelelum nim ek, ban momnya doboka beibsin. Anadya ugunda dib embengaʾ ulmoubnaʾ ara seleb nunjaʾ ak ulusil senewoka ella dolulumaʾ aboka ubna.

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

YOHANES 11:14

Anasa wera, Yesus adya sikenek laga poboka, ”Lazarus bera seleb somogok.

YOHANES 11:16

Dara, Thomas yok si nera Didimus bedya, al kabo nang ek, ”Nunda alab neikaʾ somoganamabaʾ anasa, or Betania sam neikaʾ binimab,” hyok.