YOHANES 1:38 - PERJANJIAN BARU NALCA YUBA

³⁸ Yesus al kemel samalamookanya, al weilik sam yalarekaʾ eibuk dara, wenyhusuk, ”Ugunda hekaʾ aboka do?” hyok. ”Rabi o, anda har sam malalam do?” arek. (Rabi ara nunja yub era, neklesilimnya aboka lerek).

YOHANES 1:38 Referans Kwoze

YOHANES 18:7

Dara onoʾ, Yesus adya saaboka hnon, ”Ugunda heknya ek obnobaʾ aboka elelum do?” aboka heibsuk dara, ”Nunda Nazaretnya Yesus benyek elemab,” hyek dara,

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 18:4

Dara, Yesus ara alak yokaʾ-yokaʾ nidyaʾ unuwanamekaʾ ara nidyaʾ orowek ella ulumok bok adya, alak obnobaʾ aboka we yanggek nang sik berem yeiniboka, ”Ugunda heknya ek el yabalelum do?” husuk.

YOHANES 6:25

Dara sikda nimi gong dara, eer bindiwoka Yesus ara mek gemek ok an ulumokaʾ eiyimek dara alak, ”Neklesilimnya o, anda hek sum ek anyagan yeilimom do?” aboka heibek.

YOHANES 3:26

Dara, hnon nang ara Yohanes Pembaptis ak biniboka, ”Neyung neklesilimnya o, anab neikaʾ Yordan mek inik ulurumukanya, nuk amasulumnya bera, wera albabya nimi meka dalasilikanya, nimi nauba alak mamagal balamak,” hyek.

RASUL 10:29

Anasa wera, an adya nak anyagan yalom aboka orugonyum dara, nara anyagan yangganaʾ amba dara, yoknya senewanggumno. Anasa wera neyung o, hekasa nara anyagan yanaʾ anyek ella donun aboka damok ara anasemba aboka ella donun bar,” hyok.

YOHANES 12:21

Dara, sikda Betsaida heikek Galilea sokok abnya Pilipus bek biniboka, ”Neyung o, or senemen dara, nunda Yesus ab eibdeisibya senemabaʾ anasa yeilimab,” hyek.

LUKAS 19:5

Yesus ara yalamokaʾ ara, anyagan yok dara, keeb weininggoka, ”Zakheus o, sum enera nara anjaʾ ek sam yanamnaʾ anasa, wera anda berra yinggilom,” hyok.

RASUL 10:21

Dara, Petrus bera sokok ak yingginiboka el yeilimek nang ek, ”Hem yab o, ugunda na elenulumnya bera, nara alan. Dara, ugunda hek ak seiniyiwoka yeililum do?” hyok.

LUKAS 22:61

Yesus anaba dangawoka Petrus bek keebdabok. Danyek Petrus bera, Wenelesilnya bedya men danyek alak, ”Sumen wining yub anam lebnenggumlya salek nak sondaʾ amba lika winilya bobnenewoka lebnenelem,” amokaʾ anyek seiniwok.

LUKAS 15:20

Dara, alja neyung bek lanawoka byuk.” ”Wera mok so e berem yanggok bok, aljaʾ neyung bedya ek ab uboka eibuk. Dara aljaʾ neyung bedya, na me eiriwan aboka, hyak angoo yadyek senewokaʾ anasa, bik-bika alja me dam biniboka, soob salawoka meka hmobuka eiriwoka gibuk.

LUKAS 14:25

Nimi nauba Yesus ab neikaʾ yabalemek. Dara Yesus adya sikenek keeboka lebsukaʾ ara,

LUKAS 10:39

Marta gera alja weisa yak gel, anya gel genedya si nera Maria. Ban Maria genera Yesus dam oka bukoka, Yesus adya lelemok yub enyek, pe kero bulumok.

LUKAS 8:38

Bok men dara, bisaʾ gologomokaʾ anyek, hwemoknya bedya Yesus ak nara neikaʾ anab bininam gom aboka molowok. Bok Yesus adya anjaʾ ek binilam aboka orugoka lebokja,

YOHANES 1:37

Alak diriga balarek nang penya alja lebokaʾ kerek dara, sikda Yesus bek diriga balarek.

YOHANES 1:39

Alda wenyasuk, ”Or yorurum. Eibnerum,” hyok. Dara, sikda onoʾ yalareekanya, al ulumokaʾ eiyireekanya, ban sum neikik ulumek. Sinik jam empat so ulumok.

YOHANES 4:31

Wene salek enyek, alja diriga ban nang edya, ”Neyung o, wera or denaʾ seleb ulumlaʾ anasa, wera or del yabalom,” aboka alak dukaʾ lolom-lolom alamek.