YOHANES 1:34 - PERJANJIAN BARU NALCA YUBA

³⁴ Dara, ban eiyimsakanya, ban benera, Imik Neyung alja me ulumlaʾ ara alan aboka laga lelesin,” hyok.

YOHANES 1:34 Referans Kwoze

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

MATIUS 4:3

Dara Iblis adya Yesus ak yeiniboka, ”Anda Imik Neyung me ulumen dara, banyan girik danyek gwanenga nenewanelam,” hyok.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

WAHYU 2:18

Tiatira heikek yuba donaʾ nimi lero ek ban unuwoka momnya dobnelam: ”Ban yub enera Imik Neyung bedya me, alja heng era uk bokaʾ laralamlaʾ anaso uboka, alja yan era gabya silikaʾ uka damnaʾ ak seng-sengaʾ mengewoka delemlaʾ sokaʾ ak delelanya bedya, yub ek ulumla.

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

1 YOHANES 4:9

Imik Neyung nuk yadyek ulusukaʾ damok ara, Imik Neyung alja yando me hnonok bok, nuk embengaʾ unaʾ al adya dobnokaʾ aboka sokok an bokol yeilisukaʾ adya, alda wanaʾ ulusukaʾ ara amasuk.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 YOHANES 2:23

Alja me nek, Imik Neyung me aboka laga lenaʾ orok nim era, Neyung bek anaba dib donggulumak. Alda alja me nek, Imik Neyung bedya me aboka lelemak nim era, wera nera Neyung bek dib dolomak.

2 KORINTUS 1:19

Anasa Imik Neyung bedya me Yesus Kristus si anyek, Silas bedya gom, Timotius bedya gom, nadya gom, leb elegousubnya nenyek dara, or, orokaʾ ak sene bobnenewoka lebnenggusub. Al Yesus ak dara, ”Or” anaʾ ok ulumla.

YOHANES 19:7

Bok, Yahudi nim edya Pilatus bek, ”Nunja Yahudi nang yuba momnya dobok sok, Yesus adya al damnya, Nara Imik Neyung bedya me, aldalamlaʾ anasa, alda or somogolul,” alamek.

YOHANES 11:27

Dara, Marta gedya Yesus ak, ”Wenelesilimnya o, nera nara dib senelamna. Anda aldib Imik Neyung bedya me ululamakanya, nimi blebsinaʾ dubnya Kristus eimik sokok yanamla wenyameknya bera alan dib nong ululam,” hyok.

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 27:43

Alda Imik Neyung dib senelamlakanya, nara Imik Neyung bedya me aldalamla. Wera anasa, Imik Neyung alja senemlyaʾ dara, laga blebel yabalyaʾ ak eibnob,” wenyaboka derelemek.

MATIUS 27:40

Sikja wenyalamekaʾ ara, ”Imik Neyung e golowoka beibnyekanya, nadya dara, lika winilya ok sobnamna alalamnya benyaʾ! Anya, anda aldib Imik Neyung me ulumen dara, wera oboka glanjakaʾ al ab, buru beiya yinggimenekanya, saaboka blebdalom!” wenyaboka walamek.

MATIUS 26:63

Bok Yesus ara yuba hnon doro sabnenggubok. Wenyek Imik Neyung yuba wa gakaʾ dubnya bedya, ”Imik Neyung embengaʾ ululanya bemba leboka, anda Kristus, nimi blebsinaʾ dubnya, Imik Neyung bedya me ululam gom, orok gom aboka wenyhesilom,” hyok.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.

IBRANI 7:3

Wera Melkisedek bemba dara, alda neyung genong ara hnon unggulurek, hnonda al nang yilaʾ si oroknya, alda anyek anyeb beiyimekaʾ ara, onoʾ anyagan somogok anaʾ anaba orok. Alda Imik Neyung bedya me Yesus anaso uboka, alda senenggom yuba wa gaknya ulumla.

LUKAS 3:22

Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

LUKAS 1:35

Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

MARKUS 1:11

Danyek, imik heik ab yub era, ”Anak danyek nadyaʾ wanaʾ nong me ululam. An nong adya nadya ganya heklenel,” hyok.

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

MATIUS 8:29

Wera sik penya dara, lelerekja, ”Imik Neyung bedya me o, nuk ara hekaʾ hubnesilimjok yeililam do? Unuwanasusom salek era, anam bokaʾ anaba, anda nuk lobaʾ nenewoka malya gebsununaʾ yeililam de?” alarek.

MATIUS 4:6

Dara Iblis adya Yesus ak, ”Anda Imik Neyung me ulumen dara, wera sokok sam sakdo doblingdanalam. Ban nenesa Imik Neyung yuba bukuk sam momnya dobokaʾ ara, Anda girika oluka dikgelyek aboka dara, Imik Neyung ara beiliwagenokaʾ aboka alja lero nang oruganamla,” hyok.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

YOHANES 10:30

Nab Neyung beb dara, hnonok ok ulunam,” hyok.

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.