YOHANES 1:17 - PERJANJIAN BARU NALCA YUBA

¹⁷ Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 1:17 Referans Kwoze

ROMA 6:14

Ugunda unuwanalum an yuba migib lomok unggululum, bok wanaʾ uboka eleksinaʾ migib lomok ululumaʾ anasa, ugunuk malya unaʾ migibaʾ adya hnon gologanggunusil.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

IBRANI 9:22

Yahudi nim edyaʾ unuwanalum an yub edya dara, yokaʾ-yokaʾ nidyaʾ ara eneng adya ok malya umnaʾ ara geisa nenelemok. Dara, malya unaʾ anaba al eneng nong anyek yeknaʾ orok dara, malya unaʾ ara memenggulusuk.

YOHANES 8:32

Ban nenyek dib unulumun dara, aldib ugunda hekab-hekab dib ulumlaʾ ara ella danalumukanya, ban dib unaʾ enedya ugunuk gobdo lob lobnesil,” hyok.

YOHANES 7:19

Musa bedya nim onggom, yokaʾ salyaʾ ununggom aboka, Imik Neyung adya unuwanalum an yub era seleb ugunuk elegosuk. Bok, ugunuk dara, be hnon ban yub en keboka ununggulumla. Dara, hekasa nak obnenobaʾ aboka ulunulum do?” hyok.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

GALATIA 3:17

Nadya wen ugunuk an wenyalasinaʾ ara banyek, Imik Neyung adya unubdanamab amokaʾ ara hyak youmaʾ nonga wenyek lemok. Alda unuwanalum an yub ek dara, eimik gibnaʾ ara empat ratus tiga puluh gibnaʾ lemok bok elegousuk. Anasa, ban eimik unuwanalum an yub edya dara, men Imik Neyung adya perobaʾ eleganesin amokaʾ ak ara, orok aboka lubnenggunumso.

RASUL 7:38

Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

YOHANES 5:45

Ugunja dara, nadya neyung bedya saramek sam, aladya malya gebiyiwanesil senen ganya bonenggom mem. Ugunja dibnya senelelumnya Musa bedya malya gebiyiwanesil.

2 KORINTUS 1:20

Anasa Yesus pik anyeb uboka, Imik Neyung ara, alja unuwanamna aboka lemoknya nera, nidyaʾ ”Or” anaʾ ok ulumla. Wera anadya Kristus pik uboka, nunda Imik Neyung si imik nenewanobaʾ aboka, ”Aldib e,” alamab.

YOHANES 9:29

Nunda Musa benyek Imik Neyung yub adya alak yuba salamokaʾ ella ulumab bok, anja lelelamnya bera hanyagarab yokaʾ anaba numba elgom ulumab,” hyek.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.