YOHANES 1:1 - PERJANJIAN BARU NALCA YUBA

¹ Hyak men youbuka, nidyaʾ uyiwanggom bok, yub ara seleb ulumok. Yub ara, Imik Neyung ablaboka ulureekanya, yub ara Imik Neyung ulumok.

YOHANES 1:1 Referans Kwoze

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

WAHYU 19:13

Dara alja waran akleng era, eneng lomok sam hwiboka ngikimek akleng enyek ongomookanya, wera alja si nera, Imik Neyung bek ab yubnya, alamek.

KOLOSE 1:17

Anya yokaʾ-yokaʾ nidyaʾ anam bok, alda hyak men ulumok. Dara, yokaʾ-yokaʾ nidyaʾ ara al adya bo ulmorulamla.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

WAHYU 22:13

Nak men youmaʾanya uboka, onoʾ eimik sidyaʾ daknanya ulumnakanya, al nak danyek, men eininaʾ ak abaʾ ara, onoʾ sidyaʾ einil daknaʾ amba Wenesinya ulumna,” hyok.

YOHANES 1:2

Hyak men youmaʾ enyek ab moruwoka, yub ara Imik Neyung ablaboka ulurek.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

PILIPI 2:6

Kristus ara al ulumokaʾ ak dara, Imik Neyung dibaʾ ulumok bok, Imik Neyung ulumnaʾ anara sobaʾ ulunun ganya ok bobnenggumok.

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

WAHYU 21:6

Dara onoʾ hnon yuba lebnyokaʾ ara, ”Wera seleb gobdo unura dakdowan! Na nong anyek, men nongnya uboka, onoʾ eimik sidyaʾanya ulumna e. Nak danyek, men eininaʾ ak ab uboka, sidyaʾ daknaʾanya ulumna. Nimi nidyaʾ mek ok ulusil nim era, nim embengaʾ eleksin mek luk ab, embengaʾ unaʾ mek era or salyaʾ eleganamna,” hyok.

IBRANI 13:8

Anasa, Yesus Kristus ara youmaʾ hnon, wen hnon, eimik hnon, neikaʾ ok sobaʾ ulmorulamla.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

YOHANES 16:28

Nara Imik Neyung bek abaʾ ara sokok yeilimsa. Dara, onoʾ wen saaboka sokok loboka Neyung bek binimna,” hyok.

WAHYU 1:17

Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 7:3

Wera Melkisedek bemba dara, alda neyung genong ara hnon unggulurek, hnonda al nang yilaʾ si oroknya, alda anyek anyeb beiyimekaʾ ara, onoʾ anyagan somogok anaʾ anaba orok. Alda Imik Neyung bedya me Yesus anaso uboka, alda senenggom yuba wa gaknya ulumla.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

1 YOHANES 5:7

Ban nong ak dara, damok winilya danadya nuk laga neklesak ara, Imik Neyung Geisinya hnon, mek adya hnon, eneng adya hnon, sik winilya dadya, neik yub enyek ok laga neklesak.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

LUKAS 24:53

Anya sikda Imik Neyung ek sam wekoka, Imik Neyung ak sobaʾ perob aboka gibelsinilemek.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.