YAKOBUS 3:13 - PERJANJIAN BARU NALCA YUBA

¹³ Nimi ben hnon ugun gangganek ara, heknya ek geremseng uboka pe ella ulumla do? Wera unululanya geknebaʾ alda geremseng uboka, ganya sokok nenebdangoka, perob nong unaʾ adya laga amalelul.

YAKOBUS 3:13 Referans Kwoze

GALATIA 5:23

ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

MATIUS 5:5

Nimi ganya siklewoka namen ulumak nim era, Imik Neyung adya sikenek yoka unuwanasin amoknya nera gigiwoka unuwanasil bok anasa, pe ulumak!

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

TITUS 3:2

Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

1 TIMOTIUS 6:11

Bok anak dara, Imik Neyung adya nim ululamaʾ anasa, banyan nidyaʾ lebnanya dara, mok nenewoka pe ululom. Anja dara, perob unaʾ pik balanun, Imik Neyung alja diligaʾ doboka ulunun, dib senen ganya ok bolonun, wanaʾ ganya boboka, ganya siklewoka ulunun, pe namenaʾ ulunun senen ganya ok boboka yeiriwoka dobgiga balalom.

YAKOBUS 2:18

Ugunja hnon lebnesomja, ”Nimi hnonda yuba dib senenaʾ ak sam ganya diboka ulumak dara, nimi hnonda pe ununaʾ ak sam ganya diboka ulumak.” Nadya ugunuk lebnesinaʾ ara, ”Nimi hnon pe ununaʾ orokjok, yuba dib senelemakaʾ anyek, nak an aawonululum, dara onoʾ nadya nong unaʾ edya ugunuk yuba dib senelamnaʾ ara aawanasin,” henemso.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

MATIUS 11:29

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

GALATIA 6:4

Nimi yok-yok ara, alja unulamla anyek pe kendulul. Dara, ban adya yok nang edya unulumeijinya nenesa pelemna seneboka gigildanaʾ loboka, alda aljaʾ yokaʾ pelelanya nenyek, or gigibdanamla.

GALATIA 6:1

Hemyabo nang o! Ugun gangganek ara, ben hnon meknemlaʾ ak eibmun dara, ugun Imik Neyung berem ululum nang edya, pe ganya namenaʾ anyek, bera perob pik doro dibnelum. Unuwanalum bok, ugunuk hnon sikbabya malya ubnok senewoka sunuweisilyek anasa, ugumba diri uldalalulum.

2 KORINTUS 8:24

Nunja ugunsamba sikda anaso pe unulumak aboka gigilisabnya nera hnon, ugunja dib wanaʾ usinaʾ hnon, yok-yok Imik Neyung yuba donaʾ nimi gangganek anaba, ban winilya nang ak amalemnelum.

MATIUS 21:5

”Anda Sion heikek sam, anjaʾ dubnya bera wera yanggal, henelam. Alda ganya sokok nenebdangoka, nimi mekaʾ abaknaʾ orokaʾ abaksin pam ek buka yalamla, henelam,” amoknya nenyek gigiwolulaʾ aboka ubok.

1 PETRUS 3:4

Bok saawoka, alda ugunuk goubenya ubnelumaʾ ara ban: ugun goubenya ubnamna senen ganya era, ugunjaʾ ganya lomok anyek namen uboka, dogom aboka pe ulunun senen ganya, ugunjaʾ ganya lomok ab, Imik Neyung adya nenyek perob senelamlaʾ anasa, ugunja perob neneldanaʾ ara an.

1 KORINTUS 6:5

Ban wenyhesinya nera, ugunuk alya dabsululaʾ aboka lebsin. Ugun gangganek ara, gogobaʾ ganya bobdangaseng dara, ella uboka ugun moumen yana lelewanasusonya hnon unaʾ orok anasa ululum de?

MATIUS 7:24

”Wei anasa, nimi nadya yuba keboka pe unulumak nim era, sikda geremsengnya e pe girik dubuk sam somoknya benesoʾ ak ulumak.

IBRANI 13:5

Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

1 PETRUS 1:15

Imik Neyung ugun youbsuknya bera geisa ulumla sok, ugunja yokaʾ-yokaʾ unululumaʾ ak ara geisinya danalenya nok eboka unulululum.