WAHYU 3:15 - PERJANJIAN BARU NALCA YUBA

¹⁵ Anja yokaʾ-yokaʾ unululamaʾ ara nara seleb ella ulunggen. Penya-penya unaʾ loboka, hnonok ok ubnenggeso dara, perob senewanasinya bok, anja nonga poba unggulunggelaʾ anaba, onoʾ saragenaʾ denggulunggelaʾ ara nara seleb ella ulumna!

WAHYU 3:15 Referans Kwoze

ROMA 12:11

Anjaʾ yeng ganya era hmenga dalyek, alda anja ganya era laga senedyaʾ boloklamlyekanya, Imik Neyung ak welelom.

MATIUS 6:24

”Hnonnya bek ara nauba wanaʾ uboka yoknya bek ara lek senewanamsoʾ anasa, goma hnonnya bek ara malya senewoka, yoknya bek ara pe bojam ubnamsoʾ anasa, nimi ben hnon alda nimi penya nang emba aboka neikewenyek wa webnenggunumso. Anasonya neikik, ugunda Imik Neyung amba wa we, onoʾ bonaʾ amba wa we, ubnenggunusom.”

WAHYU 2:4

”Bok nara anak sam malya senelenggenaʾ ara, Nak men danyek anda wanaʾ ulunulum sok, weneba anaso ununenaʾ anyek orok ak hnonok.

MATIUS 24:12

Malya unaʾ nauba danggiga balamlyaʾ adya, mok soko me oboka lelewanamlaʾ adya, nimi nauba ara wanaʾ uldan ganya era heibnamla.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

PILIPI 1:9

Wera nadya ugunsamba mololosinaʾ ara ban: Ugunda perobnya nek ella danganaʾ ab geremseng unaʾ ab dara, nauba danggiga balasilyekanya, Imik Neyung ak hnon, nim ak hnon, nauba wanaʾ ubgiga balalulumaʾ aboka, mololesin.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

MATIUS 10:37

”Heknedya nak ara loboka, aljaʾ neyung genong ak wanaʾ nauba ululanya bera, nadya yuba donaʾanya henggunuseng. Anasonya neikek, heknedya alja mabo gelmabo ek wanaʾ nauba ululanya bera, nadya yuba donaʾanya dibaʾ henggunuseng.

WAHYU 3:1

Sardis heikek yuba donaʾ nimi lero ek, ban unuwoka momnya dobnelamaʾ ara: ”Ban yub enera Imik Neyung aljaʾ sekbadya ganya eb, sekbadya guraʾ eb, danyek salalanya bedya yub era an. Anja unululamaʾ nidyaʾ ara nara seleb ella ulumna. Anak dara, hnon nim edya dara, anam embengaʾ ulumla alanjak bok, seleb somogolumaʾ ak ululam.

WAHYU 2:2

Anja hekaʾ unululamaʾ ara, anda wa yeiriwoka welelamaʾ hnon, anda ganya siklewoka welmorululamaʾ hnon, nara seleb ella ulumna. Anja ganya era malya ulumak nim ek or unulunok senenggululam. Nimi nidyaʾ yuba lenaʾ gak nang dibaʾ orokjok, nunda yuba lenaʾ gak nang aldalamak nang ek, anda seleb sunubyamalumukanya, sikda sondaʾ hwam nang ulumakaʾ ara, seleb ella dangalum.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

WAHYU 3:16

Anasa, anja nong unaʾ era, saragenaʾ degenaʾ anaba orokokanya, poba sen-sen anaʾ anaba orok bok, alda anda poba saragenaʾ gangganek ululam. Ban nenesa leboka, nadyaʾ sibamaʾ ak ab dukoka bobogonun aboka ulunggen.