WAHYU 21:4 - PERJANJIAN BARU NALCA YUBA

⁴ Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.

WAHYU 21:4 Referans Kwoze

WAHYU 7:17

Wera domba me, senenggom ekla bunaʾ ak hnoum ululanya bedya, sik nong ara pe beiyiwoka bo ulumnesilikanya, alda embeng mek luk sam bo balamnesil. Anya wera, Imik Neyung adya sikenek ulusil heng mekaʾ nidyaʾ ara, lubnesil,” wenyaboka lebnyok.

1 KORINTUS 15:26

Dara, hyak eimik nongnya nera, Imik Neyung adya hyak senenggomaʾ nunja isaʾ nimi somoknaʾ damok dubnya nera orok nenewanamla.

1 YOHANES 2:17

Soko nim eb, yokaʾ-yokaʾ soko dubuk ulumla nidyaʾ ara, nim adya perob senelemakaʾ anyek, seleb dengabgiga balamla. Bok, nim Imik Neyung yuba doboka dib senelemak nim enyek, hnonok or sobaʾ ulmoublemnemak.

MATIUS 24:35

Anya, im ab soko ab dara, dengaro lobnalabok, nadya yub ek dara, dengaro lobnenggunumla,” hyok.

WAHYU 21:1

Dara onoʾ, men im eb men soko eb dara, orok dengaboka, youmaʾ mek gwan eneba nidyaʾ hiboka denghyokaʾ adya, nara wenyok im eb wenyok soko eb danyek eibsa.

WAHYU 20:14

Dara nimi somoknaʾ damok ab, alja somoknaʾ nimi heik digum eb dara, doboka, sobaʾ singilamlaʾ uk mek gwanek doboka doronggosuk. (Ban sobaʾ singilamlaʾ uk mek gwan alalanya nera, dibaʾ somoganamaknya, penenya nera an.)

WAHYU 22:3

Anya, si malya nenewanamsoʾ digumaʾ ara, hyak mekaʾ sibin anaba hnon unggulumnamla. Imik Neyung ab, domba me ab dadya, bun ekla bunaʾ era, heik lom enyek an ulumnamlakanya, Imik Neyung bedya alja mabo era, alak gibdo ulumnemak.

2 PETRUS 3:10

Bok Imik Neyung yanamlaʾ ara, nim edyaʾ hokaʾ dolomak nimi gelelenga yabalamak sok uboka yanamla. Imik Neyung yanamla sum era, im ara liming yub adya iriri aboka joboka denghenemla. Imik sam yokaʾ-yokaʾ ulumlaʾ ara dengaboka uka denemla. Soko ab yokaʾ-yokaʾ nidyaʾ dubuk sam ulumlaʾ dengaboka orok danamla.

1 KORINTUS 7:31

Sokok an wen ulumlaʾ eillililum ara, mek anam denghenelabok anasa, sokok an yokaʾ-yokaʾ unululumnya nenyek, salyaʾ so boboka lololumnya neneso ulululum.

2 KORINTUS 6:17

Anasa wera, ugunda sik Imik Neyung ak elgom ulumak nimi gangganek ab bokdanalumukanya, ugunda malyaʾ ak unulyamanggom. Dara, wera ugunuk perobaʾ leboka dobnesin,” ara Wenelesilnya bedya lelemla.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

IBRANI 12:27

Dara ban ”liga hnon sum enyek” hyoknya nera, yokaʾ-yokaʾ uyiwokaʾ ara, borom-borom henelanya nera, yok-yok dangdo binimla bok, borom-borom henggunulanya nek ok sobaʾ ulumnamla.

WAHYU 20:13

Anya onoʾ, senenggom mek gwan edya nimi somogomek nim alak an ulumeknya nera doboka elegok. Anya somoknaʾ damok ab, alja somoknaʾ nang heik digum, somokdobaʾ anyek ulumek nim era, doboka elegarek. Dara sik nimi danera, sikja yokaʾ-yokaʾ unulumekaʾ nidyaʾ ara, sunuwoka yana lelewosuk.