WAHYU 21:25 - PERJANJIAN BARU NALCA YUBA

²⁵ Dara onoʾ heik enyek anera, inimnek hnon gunaʾ dangoka ininaʾ ara orok adya, pik ara mekaʾ sereknaʾ loboka, sobaʾ ara bakalmorulumnamla.

WAHYU 21:25 Referans Kwoze

WAHYU 22:5

Anya anyegeinira, gunaʾ ara hyak mekaʾ unaʾ orok uboka, Wenelesilnya Imik Neyung anyek, alak dilinaʾ uboka, sikenek yeblemnesilaʾ adya, sikda uk dilinaʾ yebnaʾ ab, heng dilinaʾ ab dara, lobnemak. Dara, sikda dub nang dangoka mok soko me nidyaʾ wenewoka hyak sobaʾ amba bo ulumnesak.

WAHYU 21:23

Dara, domba pama me ara dilinaʾ alan seleb ulumlakanya, Imik Neyung nong anaba heik enyek an dilinaʾ ul eleknanya ulumlaʾ anasa, heik enyek anera, heng gom, walaʾ gom ara, unggulumnamla.

WAHYU 21:12

Dara heik era, lekaʾ ara girik adya hyak senenggomokanya, im nongok dob ganagoka, nauba wekna pik era, obadya pobok. Dara pik gong en eileb dameijek sam ara, lero nang enyek yok-yok ellaʾ gigiro ulumeekanya, Israeli nang obadya nang yilaʾ sunuwoka, sikja si momnya dobok.

WAHYU 21:15

Wera alda ban nak yuba salanyoknya bera, meilik selerobaʾ adya memerob heika sunun gamaʾ ek, nera heik domenya ab, lekaʾ ab, pik mandebnaʾ nidyaʾ hiboka sunun danasa bomok.