WAHYU 14:4 - PERJANJIAN BARU NALCA YUBA4 Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang. Gade chapit la |
Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.
Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.
Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.
Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.
Anasa nim ara unu ulumnamla aboka beillilemakaʾ adya, hnonda gela donggulumak. Hnonda nim adya unumekaʾ adya gela donggulumak. Hnonda nimi ganya adya ok, Imik Neyung amba pe welenob senewan dara, gela don ganya bonggulumak. Anasa nimi nidyaʾ ban yub enyek keboka dobnamna seneweija nim era or dobnemak,” hyok.