WAHYU 12:4 - PERJANJIAN BARU NALCA YUBA

⁴ Anya, alja amo edya imik umok guraʾ ololaʾ era, winilya geboka hnon sam legewoka sokok boroboublinggok. Anya, ban naga bagaʾ era, alda me beillil yabelya salek enyek, doboka menegounun senewoka, gel gen saramek oka diri seklemok.

WAHYU 12:4 Referans Kwoze

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

WAHYU 9:19

Wera abaksin pam migib era, sibamaʾ ak hnon, amo ak hnon, ulumok. Dara, abaksin pam amo ara, bagaʾ anaso uboka, huka yakaʾ adya, wera anedya nim unuruwaʾ ara olosik.

WAHYU 9:10

Dara, sikja amo era, siribnaʾ si anaso nekesa yarawoka yu nongaʾ ak uboka, sikja nekesa enedya walaʾ lambadya dara, anadya doboka ol nebsin migib ek ulusuk.

WAHYU 8:7

Dara men lero era, poo anaʾ benggong lel yabok enyek, saragenaʾ mok eb uk ab eneng ab neikaʾ hiboka sokok sam nakok enyek, mok soko ara, yok-yok naubaʾ anyek winilya geboka, gal donggala anaba winilya geboka, hnon darasam ab, holaʾ nidyaʾ ab dara, uka momnyanga woluwoka jok.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

WAHYU 17:18

Hnonda ban eiblam gel gera, sokok sam an dub nang wenesin dub heik era al an,” wenyaboka neknyok.

WAHYU 8:8

Dara onoʾ penenya lero alja benggonga lel yabok enyek, yokaʾ senenggom mok soko mein anaso uka singilimokaʾ ak anyek soboka, senenggom mek gwanek sam bobogok. Dara mek gwana winilya garawoka, darasam hnonda eneng ok dok.

WAHYU 8:9

Wenyek, mek lomok sam ulumlaʾ nidyaʾ ara naubaʾ anyek winilya geboka, darasam hnonda somogok. Anya mek ekla bunaʾ nidyaʾ ara onoʾ winilya geboka, darasam hnonda uka jok.

WAHYU 8:10

Dara winilinya lero era, alja benggonga lel yabok enyek, senenggom guraʾ hnon sokok sam uk wesaʾ anasoʾ anyek yinggyuk enyek, meka nidyaʾ, mek lu ab, naubaʾ anyek winilya geboka, darasam hnonda uka momnyanga wolubok.

WAHYU 8:11

Guraʾ an malyinggilimokaʾ ara, alja si nera Apsintus sika leleksin guraʾ alamek. Anya, meka nidyaʾ ara, naubaʾ anyek yok-yok winilya garawoka, darasam hnonda sik ok dok. Dara meka nidyaʾ ara, sik hwam ok dangoka, delemek nim era, anedya nauba somogek.

WAHYU 8:12

Dara onoʾ dom lero era alja benggonga lel yabok enyek, henga ara darasam soldowookanya, walaʾ ab guraʾ ab dara, joboka, winilyaʾ yok-yok geboka, darasam hnonda gobdo gunaʾ ok dok. Dara, yubyek eb, inimnek eb dara, yok-yok naubaʾ winilya geboka, darasam hnonda gunaʾ ok dangoka ubmoruwok.

WAHYU 12:7

Dara wera, imik heik ara mala lanabdek. Wera Mikhael beb, alja lero nang eb dara, ban naga bagaʾ ek, mala lanawoka obdang einiwek. Dara onoʾ ban naga bagaʾ enebabya, alja lero nang edya arawoka, Mikhael bek mala boboka oldalamek.

WAHYU 13:2

Ban mek gwanek ab lanawokaʾ ara, nadya eibsa dara, senenggom bei girik manaʾ senenggomnya nenesoʾ ak eibsa. Alja yan era nauba manaʾ, juenem manaʾ yana anaso. Anya hogung ara nauba yu girik manaʾ, singa manaʾ anaso. Dara ban lanawoknya nek, naga bagaʾ edya, alja migibaʾ ab, perob ekla dub nang edya bunaʾ ekla eb, migibaʾ dangoka wenesinaʾ ab, damok danyek elegok.

WAHYU 13:4

Anya naga bagaʾ edya, banyek alja migibaʾ uboka ununaʾ anyek seleb elegemok anasa leboka, sikda naga bagaʾ ek an giblemek. Bok onoʾ hnonda banyek hnon, sikda giblemek. Anya sikda, ”Banera hyak yok nong! Alak ara asaʾ ganya boboka, hnon alab obdanggunuseng!” wenyaboka lelemek.

WAHYU 16:13

Dara yu hwam unaʾ ganya winilya enyek, hyeiya anasoʾ ak hnon eibsa. Ban hyeiya era, naga bagaʾ edya si ak hnon, yu nongaʾ adya si ak hnon, sonda amba bobnenewoka len nang edya si ak hnon, goboka lanawok.

WAHYU 20:2

Dara alda youmaʾ eneba ulumoknya senenggom wisa naga bagaʾ era, Iblis goma, Satan goma aboka si silimakaʾ ara an. Wera alda gibnaʾ ara, seribu gibnaʾ lebnamlaʾ anasa aboka, ban gasa heng enedya dibaʾ goubokaʾ ak eibsa.