WAHYU 12:1 - PERJANJIAN BARU NALCA YUBA

¹ Wera imik ara yokaʾ ak hyak senenggomokanya, okna so beknaʾ ubukaʾ ak eibsa. Dara, gela hnon, alda heing einira boksom dibaʾ ongowoka, walaʾ ara yan damumduk geboka seklemok. Anya alja hukuk ara, dub nang edya goulunaʾ enyek, guraʾ o badya uruwaʾ ak goulumok.

WAHYU 12:1 Referans Kwoze

LUKAS 21:25

”Eimik era, heng ek, walaʾ ak, guraʾ ak dara, yok so ubnamla. Sokok anara, nimi soko nimi nidyaʾ soko eilim-eilim aboka mek una uu aboka obnebnesil.

EPESUS 5:32

An wenyaro momnya dobokaʾ ara, hyak senenggomaʾ doknowoka ulumla damok ek lebok, anyek nadya dara, Kristus ab alja yuba donaʾ nimi sununaʾ ak lemna.

MARKUS 13:25

Dara onoʾ guraʾ nidyaʾ imik ara sokok sam malyingginiboka, imik sam migib ulumlaʾ nidyaʾ ara borom-borom henemla.

LUKAS 21:11

Mok soko me nidyaʾ senenggom sogoumaʾ dorogoka, senenggom gwaneng okaʾ lanawoka, senenggom neiknaʾ damok lanawanamla. Imik sam ara hyak malyaʾ nongaʾ lok so ab okna maka dangalamlaʾ ab laga danamla.”

WAHYU 21:23

Dara, domba pama me ara dilinaʾ alan seleb ulumlakanya, Imik Neyung nong anaba heik enyek an dilinaʾ ul eleknanya ulumlaʾ anasa, heik enyek anera, heng gom, walaʾ gom ara, unggulumnamla.

WAHYU 15:1

Wera onoʾ hnon imik sam ara, yokaʾ hyak omomaʾ yok so anyek, lanawokaʾ ak eibsa. An eibsaʾ ara lero sekbadya nang, malya damok ok sekbadya, sidyaʾ obnesilaʾ anyek, yok-yok bomek. Anya Imik Neyung adya yu sen-sen anaʾ hyak dengaboka obnesilaʾ ara wera an.

WAHYU 12:3

Bok onoʾ imik ara, yokso beknaʾ anyek, lanawok. Wera anera, naga bagaʾ gorona senenggomaʾ huka sekbadya uboka, bonga sagobadya umok bagaʾ ek lanewok. Dara, huka yok-yok, dub nang huk goulunaʾ anyek goulumok.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

RASUL 2:19

Nara yokaʾ-yokaʾ hyak lok so anyek imik eini sam unulumnamna. Onoʾ hyak lok so hnon ounu sokok sam an unulumnamna. Eneng ab, uk ab, senenggom solom ab, lanawanamla.

MATIUS 24:30

Ban unubgogowalyek ab danyek, nimi dibaʾ me yanggan beknaʾ era imik laga danamla. Wera ban sum enyek, nimi nidyaʾ sokok an ulumaknya nera, nauba engewanamak. Sikda nidyaʾ nimi dibaʾ me nera imik sam debaʾ ak senenggomaʾ anyek alja migib gebman ab yanggalyaʾ ak eibnemak.

GALATIA 6:14

Nak dara, yokaʾ-yokaʾ anyek pelemla aboka nonggo anaʾ ara, unuwanggunusinya bok, nunjaʾ Wenelesilnya Yesus Kristus gal dubuk somogosukaʾ amba danyek ok unuwanasinya. Wera Kristus anyek gal dubuk somogokaʾ adya danyek, sokok an ululanya nedya nak benewoka glinggulunelekanya, nara soko amba seleb somogamnaʾ anaso ulumna.

MATIUS 12:38

Dara onoʾ hnonda Yahudi yuba neklesik nang eb, Parisi nim eb dadya, Yesus ak, ”Neklesilimnya o, neyung lok so beknaʾ hnon meewalom, wenyek nunda eibnemab bar,” aboka molowek.

WAHYU 21:14

Anya, heik en egomnaʾ ikokaʾ ara, obadya senenggomaʾ ikoka sobookanya, domba me adya nim obadya nang yuba lenaʾ gak nang, sikja si nera anyagan momnya dobok.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.

GALATIA 3:27

Ugunuk ara Kristus lomok meka dasuk nimi nidyaʾ ara, ugunda Kristus alja unun ganya boboka ululum.

2 KORINTUS 11:2

Neyung genong adya, nimi salawanggom gelma ara, nengma era hnonok ok eleklemak sok, nara ugunuk doboka Kristus ak lesisa. Anasa, nara ugunuk Imik Neyung perob senelamla hman ganya bolosin.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

YOHANES 3:29

Dobnamna gel gera, dobnenanya bek aljinya ulumla. Dobnenanya aljaʾ hem bera, sikda dobdanaraakanya, doblanya bedya yuba hnon kelemla dara, eiya dablamla. Anasonya neikik, wera nababya hyak nauba eiya dablenel.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

GALATIA 4:26

Bok imik heikek Yerusalem heik ara, albeyok sekok gel ulumlakanya, nunjaʾ genong ge dibaʾ an ulumla.