TITUS 3:15 - PERJANJIAN BARU NALCA YUBA

¹⁵ Nunja hemyabo nimi nidyaʾ anyagan nab neikaʾ ulumab nim edya, ugunuk perob aboka gibsak. Nunja gibsabnya nera, nunja hemyabo yok nimi, yuba dib senelemab adya wanaʾ ulusak nim ek, unu gibisak aboka nekdo yibinelam. Anya wera, Wenelesilnya bedya, ugunuk nidyaʾ nauba wanaʾ uboka eleksinaʾ ara ulusulul. Nara Paulus bedya seleb lebsin.

TITUS 3:15 Referans Kwoze

IBRANI 13:25

Dara wanaʾ uboka perob eleksinaʾ adya ugunuk bo ulusulul.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

KOLOSE 4:18

Nara Paulus bedya gibsin. Ban gibsin yub era nadya soruk nong edya webemna. Nak henga goubnyekaʾ ara sobaʾ seinilinulum. Wanaʾ uboka eleksinaʾ ara, ugunuk ulusulul. Amin.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

3 YOHANES 1:1

Hem Gayus wanaʾ nong ulunggenya o! Nara nimi yuba don nimi bo usinnya bedya, dib yuba lomok uboka wanaʾ ulunggenya bek momnya doboka beibgen.

PILEMON 1:5

Nera an nong anyek, Wenelesilnya Yesus ak dib senewoka ganya ologoka ulumlakanya, onoʾ nimi yok munaʾ Imik Neyung mab ak wanaʾ ulusil an yuba kelemnaʾ anasa perob aboka ansamba nauba mololenggen.

2 TIMOTIUS 4:22

Wenelesilnya bera anak ganya arawoka ulunggulul. Wenelesilnya bedya anak wanaʾ uboka eleksinaʾ ulusulul. Nara Paulus bedya seleb lemna.

1 TIMOTIUS 1:2

ganya dib senenaʾ ak ara, nadya me yokaʾ Timotius ansamba ban momnya en momnya doboka beibgen. Anya wera nunja neyung Imik Neyung adya, hnon nunjaʾ Wenelesilnya Yesus Kristus adya, wanaʾ uboka eleksinaʾ hnon, angoo yadyek senewoka arasinaʾ hnon, ganya hekoka unaʾ hnon anak ulunggulul.

1 KORINTUS 16:23

Wera Wenelesilnya Yesus adya wanaʾ uboka eleksinaʾ ugunuk sobaʾ ulusulul.

MATIUS 5:47

Imik Neyung ak elgom ulumak nim eneba unulumak bok anasa, ugunda ugunjaʾ hemyab ok perob aboka giboka ulumnelum dara, pelelum de?

RASUL 20:34

Nadya soruk enedya, wera na nong ak okna ubnenaʾ hnon, nadya hemyab ak okna ubnaʾ hnon welemsaʾ adya, dero ulumoubaʾ ara, ella ululum.