TITUS 2:10 - PERJANJIAN BARU NALCA YUBA

¹⁰ Hokaʾ donaʾ anaba hyak mem. Sikda pe uboka, wa bojam welemak senen hogung enyek laga geknelenok. Wera ban unulumeija hogung enyek, yok nim edya eiyiwoka, sikda nunja blebsinaʾ dubnya Imik Neyung bedya yub ek gigilenokaʾ aboka, unulunok.

TITUS 2:10 Referans Kwoze

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

1 PETRUS 3:16

Bok ban unuwanamunaʾ amba dara, pe namen ganya edya heknaʾ ganya boboka unuwanalum. Ugunda Kristus adya diriga ban nim ulumnelumaʾ anasa, yok yuba donaʾ orok nim edya wabnesak bok, ugunja pe ulumnelumnya nenesa wabnesak ab dara, onoʾ sik dam nimi meknewab senewoka sikenek saawoka alya dabnesilaʾ anasa, perob unaʾ an ella ululumnya nok unulululum.

TITUS 1:3

Dara wera, perob sum en unuwanamna senemok sum enyek, yuba lelelulaʾ aboka orugomokaʾ adya, laga dangiyimok. Anadya wera, alja yub era, nak an anja lelelom aboka lobongganyok. Dara, nara nunja Imik Neyung bleblesilnya bedya orugonyok yub ek, sunuwoka lero yabalamna.

1 TIMOTIUS 6:3

Nimi ben hnonda yok yuba nekoka, nunja Wenelesilnya Yesus Kristus bedya alja eikaʾ un yuba hnon, hekaʾ ak ubibyek Imik Neyung pik pe balamnemab aboka yuba hnon, dib senenggulumla dara,

1 TIMOTIUS 6:1

Nunja Imik Neyung si ak hnon, nunja neklesab yub ek hnon, nim adya malya neneweisijik aboka, nidyaʾ yok nim edya ek uboka wa welemun nim ek sikenek wa oruklesak nim ek, sikenek perob senewoka ganya sokok nenebdangoka gigilinok.

1 KORINTUS 4:2

Wera, ban unuwoka arawoka welemak nang ara, wa ara yoknya bedya welelulum aboka, oruklesil dara, or pe bojam unulunok.

LUKAS 16:10

”Meknya nek bojam welemak nang era, naubenya nek anaba bojam uboka welemnemak. Bok meknya nek anyek, bojam uboka wenaʾ orok nang era, naubenya nek anaba bojam wenggulumnemak.

MATIUS 24:45

Dara Yesus ara onoʾ hnon lebokaʾ ara, ”Wera anaso dara, wa arawoka wenya bera, heknyek geremseng uboka pe bojam ulumnamla do? Anedya perob sum dalya dara, wa damnya bedya nim ek denaʾ deb elegosululaʾ aboka, dubnya bera anasonya bek sekiyiwanamla.

1 TIMOTIUS 5:17

Ugun yuba dololumaʾ ak pe weboka bo usin nang ek ara, ugunja li penya so sikenek ganya hek elegoka gigilelulum. Nauba so ara, Imik Neyung yuba yeiriwoka nekoka, lel eleklesak nang enyek anaso pe unulululum.

1 TIMOTIUS 1:1

Nara Paulus bedya, nunja bleblesilnya Imik Neyung adya orugunyokaʾ adya hnon, nunja ganya welemabnya Wenelesilnya Kristus Yesus adya hnon, Yesus Kristus amba yuba lenaʾ gaknya ulumnakanya,

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

LUKAS 1:47

Anya nadya ganya era Imik Neyung ara nadya bleblenelnya ulumla anasa, hyak eiya dablenel.

LUKAS 1:80

Dara me nera, nauba nebgiga balamookanya, ganya lomok anaba nauba kaboka nebgiga balamok. Anya alda hwalek ok ulwenelemokaʾ ara, nim ak laga danamok sum era geknewok dara, ban sum ok wera laga nenebdok.

TITUS 3:4

Bok nunja blebsinaʾanya Imik Neyung bedya nuk alja perob unaʾ ab, onoʾ alja wanaʾ usinaʾ ara, seleb amasuk dara, alda nuk blebsuk.