TITUS 1:9 - PERJANJIAN BARU NALCA YUBA

⁹ Alda nimi yok nim ek wenelesil dara, dib nong yub enyek sunuwoka ganya heksululaʾ aboka hnon, nimi dib yub ak lolomak nim ek, nera meilinya nera an aboka, pe leboka aawosululaʾ aboka hnon, alda alja dib senewoka domok yub ek, nekemek sok, pe salabmoubuka ululul.

TITUS 1:9 Referans Kwoze

2 TESALONIKA 2:15

Hemyabo nim o, wera anasa nunja ugunuk momnya donaʾ pik uboka gom, yuba sibamaʾ adya laga nekesuba yub enyek, pe sekoka salabmoubuka ulululum.

2 TIMOTIUS 1:13

Nadya anak an seleb leboka, nidyaʾ nekgesa sok, anyek pe sunuwoka ululom. Anya wera, onoʾ nunda Yesus Kristus ab neikaʾ hnonok kweldalamabaʾ adya, nunjaʾ dangamok wanaʾ unaʾ ab, yuba dib senenaʾ ab danyek, anda pe salabmoubuka ululom.

1 TIMOTIUS 6:3

Nimi ben hnonda yok yuba nekoka, nunja Wenelesilnya Yesus Kristus bedya alja eikaʾ un yuba hnon, hekaʾ ak ubibyek Imik Neyung pik pe balamnemab aboka yuba hnon, dib senenggulumla dara,

1 TIMOTIUS 1:10

Onoʾ yok gela salanaʾ hwam ok ulumak nang amba hnon, gel ganya ok boboka nauba meknelemak nang amba hnon, nimi nengmabo moumen dekeldalamak nim emba hnon, sondaʾ hwam ok wekdeknewoka ulumak nim emba hnon, sondaʾ anasa bobnenewoka lelemak nim emba hnon, nidyaʾ dib nong yuba elegousukaʾ ak bleklemak nim emba hnon, oruknaʾ yub ara elegousukaʾ ara, ella ulumab.

WAHYU 3:3

Anasa, anda men youmaʾ enyek unuwanalam aboka nekenjekaʾ hnon pe seiniwanalam. Hnonda hekaʾ ak unuwanalam an yuba kelumaʾ anyek beklom. Dara, ban pe unubgiga balamenekanya, anda malya unaʾ loboka ganya dangawalom. Bok anda anam bukoka pe diri uldanaʾ orok dara, na yanamna salek era, sumen yanamlaʾ ara elgom umen bok, hokaʾ don nang enesoʾ anyek gelelenga yanamna.”

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

TITUS 2:1

Titus o, bok anak dara, hyak dib perob nong eikaʾ yub enyek ok neklesilom.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

2 TIMOTIUS 4:3

Nimi jongaʾ pe ulumak yuba dobnenggunumak sum hnon yanalabok anasa, pe neklesilom. Eimik era dobnenggunumaakanya, saawoka nim adya anyek unuweisinya senewanamaakanya, nenyek ok unulumnumak. Dara, nunja o kelemeibya dara, pelemlya anyek kero ulunob senen malya neknaʾ enyek neklesinokaʾ aboka, nimi neksin nang nauba, bo boklomnemak.

1 TESALONIKA 5:21

Yokaʾ-yokaʾ nidyaʾ sunuwomunukanya, perobaʾ ok gasa salabmoubuka ulululum.

WAHYU 3:11

”Nara berra yanamna! Yok nang edya anak an Imik Neyung adya perob huk goulunaʾ era doblyek anasa, anak an ulunggelaʾ ara pe salabmoubuka ululom.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

1 TIMOTIUS 4:9

Ban yub enera hyak dib nong anasa, doboka onoʾ hyak dib senewanok.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

RASUL 18:28

Apolos bera hyak senenggomnya uboka migib adya, wera Yahudi nang ek nimi hnoum sikenek yugom nanga nenelesuknya nera yokaʾ-yokaʾ lanalemok ak unulumok. Dara, Imik Neyung yuba momnya dobokaʾ anyek einiwoka, wera Yesus ara Kristus anyek, aldib Imik Neyung adya nimi blebsinaʾ dubnya sekiyimok aboka beknaʾ dangallilimok.

1 KORINTUS 14:24

Bok ugunda nidyaʾ ara, Imik Neyung yuba lel elegeldalamnasom bok, beiyik dem nimi gom, yuba donaʾ orok nimi gom yalaseng bok, ugunja Imik Neyung yuba lelesomaʾ adya, wera nim era, sikja malya unaʾ ak malya ulumabaʾ ak senewaneseng. Onoʾ lelesom adya, sikja malya unaʾ yana lelewoka,

2 TIMOTIUS 3:14

Bok Timotius anak dara, ban nang danadya neknyek senewoka seleb ella ululam bok anasa, anak seleb nekenjekaʾ keboka, anja seleb hyak dib senelelamnya nenyek pe salabmoubuka ululom.