TITUS 1:11 - PERJANJIAN BARU NALCA YUBA

¹¹ Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

TITUS 1:11 Referans Kwoze

2 TIMOTIUS 3:6

Ban nang danara nim edya e pik gelelenga wekel balamak. Dara onoʾ hyak malya unaʾ hwam ok uboka, yok-yok unuweisinya ganya adya gouluwoka ulumak gelewa ek sene malya unuwanokaʾ aboka benellilisak.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

ROMA 3:19

Bok nunda banyek ella ulumab ara, yokaʾ-yokaʾ Yahudi nim emba unuwanalum an yuba lomok ulumlaʾ ara, nimi sik ban Yahudi nim emba oruksin yub damumduk ulumek nang ek senewoka beibuk, anedya nidyaʾ sibamaʾ leboka, sokok me nidyaʾ ara Imik Neyung adyaʾ igina kwesinaʾ lomok ulunok aboka unuwok.

TITUS 3:10

Nimi yuba dolomakaʾ ak doluwoka bokol goklesak nang ek ara, anja ban unululamaʾ ara loblom aboka, li penya unu gorogoka lelelom. Ban nen seleb unuwamen bok dara, anda alab neikaʾ uruma dobdangoka unaʾ ara mem.

TITUS 1:9

Alda nimi yok nim ek wenelesil dara, dib nong yub enyek sunuwoka ganya heksululaʾ aboka hnon, nimi dib yub ak lolomak nim ek, nera meilinya nera an aboka, pe leboka aawosululaʾ aboka hnon, alda alja dib senewoka domok yub ek, nekemek sok, pe salabmoubuka ululul.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

2 KORINTUS 11:10

Kristus adyaʾ dib jong yub era, nak an ulunel bok anasa, Akhaya mok ebnya ben hnonja, nadya an nonggo alamna senelenanya nera, yuba garawanggununel.

LUKAS 20:40

Anasa sikda onoʾ hnon saaboka Yesus ak yokaʾ-yokaʾ heinaʾ ara lomek.

YOHANES 10:12

Bok, salyaʾanya rupiah deknenjabaʾ anasa, pama geregoka bo ululom ananya bera bo ulunabok, bei gama yangganaʾ eibna dara, nadya pam gomaʾ senewoka, lok anasa pama loboka yeiri balamla. Dara, bei gam adya domba pama nidyaʾ ara doluwoka ob menegoka yaklamla.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

1 TIMOTIUS 5:4

Bok, sikja mab edya mab eb, sikja mabo yak gelewa era ulumeijibok dara, yuba dibaʾ dorob nim aboka, orokaʾ anaba nenyek, Imik Neyung ara perob senelesilaʾ anasa, ban unuwoka sikja neyung genong ak saawoka aralemnemakaʾ ara, men ganya olowoka ella danok.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

2 TIMOTIUS 2:18

Sikda penya dara, perob yub ek ab seleb malya nenebdangoka mok darek. Wera sikja dara, nim embengaʾ suboka bun salek era, seleb yenewal wenyaro yabalarakaʾ adya, nimi yok nim ek hnon sikja dib senenaʾ ara seleb dolul meneklerak.