TITUS 1:10 - PERJANJIAN BARU NALCA YUBA

¹⁰ Yuba blekoka eʾ dem yuba leboka, nimi gliboka yokaʾ amba bo balasak nim era nauba ulumak. Okoka dara, Yahudi yuba domek nimi nong enyek, anaso nauba ulumak.

TITUS 1:10 Referans Kwoze

1 TIMOTIUS 1:6

Bok hnon nim era, ban unuwanok senelenanya nera loboka, alda salyaʾ yuba salmorulumakaʾ ak an sikba gaboka youklomak.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

GALATIA 2:4

Hnon nang edya dara, or unuwanamla aboka lelemek bok, unuwolul aboka yo henggumek. Wera an wenyalamek nang era, yuba dib doboka ununaʾ orokjok, nunjaʾ Kristus Yesus ak dib senemoubaʾ adya, gobdo ganya doboka unaʾ ak gelelenga kemero yeilimek. Sikja dara, nu yuba dobnenggoma wenyek unulumoubaʾ anyek, neik so unulunokaʾ aboka pik nekoka igina kweiyiwanobaʾ aboka yeilimek.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

YAKOBUS 1:26

Nimi ben hnon yuba dolomna ak pe unulamna senebdangoka ululabok, alda yuba sibamaʾ silyum pe bo diri uldanaʾ orok dara, alja yuba dib senelamlaʾ ara salyaʾ lelem dangoka, al damnya sondaʾ leldalamla.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

RASUL 11:2

Wera yok sum enyek Petrus bera Yerusalem heikek byuk dara, Yahudi nang yokaʾ bok Imik Neyung yub ak dib senewoka domek nang edya, Petrus bek meknewolum aboka waboka wenelemek.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

WAHYU 2:6

Ban wenyhenaʾ anaba yokaʾ don perobaʾ anak ab ulumlaʾ ara, Nikolaus bek diriga ban maba lek alamnaʾ digum anyek, ambabya lek ganya bololamaʾ anasa, nenyek hnon pelemla senelenggen.”

1 YOHANES 2:18

Najabo yab o! Yokaʾ-yokaʾ nidyaʾ sidyaʾ daknamla sum era, seleb oka dal! Hnonda eimik era Kristus ak isaʾ nenewanelanya hnon lanawanamlaʾ kelumaʾ ara, wera seleb lanawoka, nimi nauba Kristus ak isaʾ nenelemak. Wera anadya nunda sidyaʾ dakna salek era oka dal, senewoka ella ulumab.

2 TIMOTIUS 4:4

Sikenek dara, nimi pe jong ulumak yub ek dara, kebibyek aboka o pika lebeldalamnamak bok, salyaʾ malya hwam yub ek sam ara, or pe kelenob senewoka o bakoka kelemnemak.

1 TIMOTIUS 1:4

Salyaʾ malya hwam deng anyek maro lolomla yub ek ganya we bulumakaʾ hnon, youmaʾ morublinaʾ nim ek yana lelewoka unuwok aboka neklamnaʾ anyek, kero bulumak nim ek unululumaʾ ara mem, alalom. Ban nidyaʾ ara mal damok lanalamlaʾ ak anasa, Imik Neyung adya alak dib senewanaʾ anasa eleklesilaʾ anyek sunuwoka ununggulumakaʾ anasa, mem henelam.

GALATIA 3:1

Galatia nim o, ugunda dongdang anaʾ hwam nim ek ululum! Ugun din hengek Yesus Kristus gal dubuk oboka glamekaʾ ara, ugunuk laga neksisa bok anasa, hek nang edya geregoka bobneneweisik do?

RASUL 20:29

Nak anyaganyeb ara bannya dara, yu nong bei gam anyek ugun gangganek yanamak. Dara, ugunja bo ulumun nang era, bei gam danadya sikja digin dibaʾ denaʾ danamak ara, ella ulumna.

RASUL 15:1

Wera nimi wene nang Yudea sokok sam ab ara, Antiokhia heikek yeilimeekanya, Imik Neyung yuba domek nang ek wenewoka, ”Ugunda Musa bedya momnya dobok yuba sunuwoka bolaʾ garanaʾ orok dara, dib embengaʾ blebnenggunusil,” aboka lel eleklesik.

RASUL 15:24

Nunja anyaganyeb kemab dara, anyagan nun gangganek ab ugunuk an yeiniboka, sikja lemek adya ugunuk sam malya nenewoka hnon ugunuk ganya soro-wara eiyiwoka, ugunuk unulusak anaʾ ara kemab. Nunja dara, sikenek unulululum aboka oruksinaʾ ara orok bok, unulusak.

1 TIMOTIUS 1:9

Bok unuwanalum an yub ara, nimi pe ulumak nim emba eleganggusuk bok, alda yuba lek aboka bleklemak nim emba hnon, asaʾ hwam uboka yu ganya nim emba hnon, sokok ulumlaʾ digum ok ganya seiniro ulumak nim emba hnon, yuba donaʾ orokaʾ anyek salyaʾ ulumak nim emba hnon, oruknaʾ yub era elegousukaʾ ara, ella ulumab.

TITUS 1:6

Nimi yuba dolomakaʾ gaka bo usinnya bera, si gegena ponaʾ oroknya bek ululul. Alda gela hnonok domlyekanya, alja mab era Kristus ak dib senewoka, onoʾ nauba blekoka, salyaʾ yiri-yoro al giriknaʾ orok mabo yaknya bek ululul.

1 YOHANES 2:4

Ben hnon leleladya, ”Nara Imik Neyung ak ella ulumna,” alaladyok, alja alak oruklamla anyek pe ununggulumla dara, bera alda sondaʾanya ulumlakanya, dib yub ara alja ganya lomok unggulumla.

MATIUS 23:14

Ugunda yuba neksin nang eb Parisi nim eb dara, hyak omom nongaʾ ak uboka sene bol nenesinaʾ hwam nim ululum. Ugunda nenya orok gelewa ek sondaʾ leboka, sikja ek ulumlaʾ doluwoka dololumukanya, yok nim eibsinokaʾ aboka, ugunda heng uboka waranaʾ mololelum. Ban unululumaʾ adya ugun nong anyek hyak nauba obnesil.