ROMA 9:23 - PERJANJIAN BARU NALCA YUBA

²³ Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

ROMA 9:23 Referans Kwoze

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

2 TIMOTIUS 2:21

Nimi ben hnon yok-yok malya unaʾ ak, geisa nenebdanelanya bera, benyek munaʾ nenebdangoka perob wa wenaʾanya ulumnamla. Dara bera, alja neyung adya al nonga perob wa weboka un danasa, weboka doboka dibnamlakanya, alda yok-yok perob wa nidyaʾ webnunaʾ aboka, diri ulumnamla.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

EPESUS 2:7

Ban unuwosuknya nera, eimik enyek, Imik Neyung ara alja wanaʾ uboka eleksinaʾ ara hyak senenggomaʾ ulumla beknaʾ eibnokaʾ aboka ubsuk. Alda Kristus Yesus pik uboka nuk wanaʾ ubsukaʾ ak eibnokaʾ aboka ubsuk.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

1 TESALONIKA 5:9

Imik Neyung ara yu ganya boboka obsununaʾ aboka dobnenggusuk, nunja Wenelesilnya Yesus Kristus adya dib blebsululaʾ aboka dosuk.

KOLOSE 1:12

Hnonda ban adya neyung bek, dilinaʾ pik balamak munaʾ Imik Neyung mab amba beibuknya nek dobneseng senen nang nenelesilnya benyek, ganya eiya daboka perob aboka giblemnelum.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

ROMA 8:30

Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.